کیا آپ بالوں کو لمبے اور چمکدار بنانا چاہتے ہیں؟ یہ نسخہ آزما لیں

ماہرین صحت کہتے ہیں کہ بالوں کو لمبے اور مضبوط بنانے کے لیے ان کو تیل روزانہ لگانا چاہیے، جس کی وجہ سے سر میں خشکی، بال ٹوٹنے اور گرنے کی شکایت نہیں ہوتی۔ اگر آپ بھی مضبوط اور لمبے بال حاصل کرنا چاہتی ہیں تو یہ خبر آپ کی بہت اچھی رہنمائی کرسکتی ہے، آج ہم آپ کو ایسے تیل کے بارے میں مفید معلومات دے رہے ہیں جو بالوں کی صحت کے لیے بہت فائدہ مند ہے۔ ماہرین صحت کے مطابق گاجر، مولی کے پتوں اور دیگر اجزاء سے تیار شدہ تیل استعمال کرنے کے بعد آپ کو واضح طور پر محسوس ہوگا کہ آپ کے بالوں کی نشونما بہت اچھی اور تیزی کے ساتھ بہتر ہورہی ہے۔ تیل بنانے کا طریقہ : اجزاء : سرسوں کا تیلگاجر ایک عددمولی کے پتےپالک کے پتےادرک کا ٹکڑاآدھی پیاز چھلکے سمیت اس تیل کی تیاری کیلیے ایک عدد مٹی کی چھوٹی ہانڈی میں ایک پاؤ سرسوں کا تیل ڈال کر ہانڈی کو چولہے پر رکھ دیا جائے۔ تیل گرم ہونے کے بعد اس میں یہ تمام اشیاء ڈال کر ہلکی آنچ پر دیر تک گرم کرنا ہے۔ جب ان سب چیزوں کا رنگ تبدیل ہوکر کالا ہوجائے تو چولہا بند کرکے ہانڈی کو ڈھک دیں اور اسے ٹھنڈا ہونے کیلئے چھوڑ دیں، تیل ٹھنڈا ہونے کے بعد اسے چاہیں تو ہانڈی میں رہنے دیں یا کسی برتن میں رکھ لیں۔ ماہرین صحت کے مطابق اس تیل کے اچھے رزلٹ کیلئے رات بھر سر پر لگا رہنے دیں اور صبح اٹھ کر نہالیں۔ اس کے استعمال سے آپ کے بال لمبے گھنے سیاہ اور چکمدار ہوجائیں گے۔

کیٹاگری میں : صحت