آپ اپنے اینڈرائیڈ یا آئی فون کو چارجنگ کیبل پر لگاتے ہیں مگر وہ چارج نہیں ہو رہا تو اس کی وجہ کیا ہے؟ ویسے تو خراب چارجنگ پورٹ اور ناقص کیبل یا اڈاپٹر سمیت ایسی متعدد وجوہات ہیں جن کے باعث فون چارج نہیں ہوتا۔ ان وجوہات پر گھر میں رہتے ہوئے قابو پانا بھی کافی مشکل ہوتا ہے، مگر پورٹ میں گرد یا کچرا جمع ہونا بھی ناقص چارجنگ کی ایک عام وجہ ہے۔ جی ہاں جیب یا پرس میں فون رکھنے سے بتدریج دھاگے کے ریشے اور گرد وغیرہ چارجنگ پورٹ میں جمع ہو جاتے ہیں جس کے باعث کیبل صحیح طریقے سے کام نہیں کرتی۔ یہ ایک عام مسئلہ ہے جس کا سامنا کسی بھی قسم کی چارجنگ پورٹ والے آئی فون یا اینڈرائیڈ فون کو ہو سکتا ہے۔ اچھی بات یہ ہے کہ اس مسئلے کو حل کرنا بہت آسان ہوتا ہے اور خرچہ کرنے کی بھی ضرورت نہیں ہوتی۔ چارجنگ پورٹ بلاک کیوں ہوتی ہے؟ ہمارے فون کی چارجنگ پورٹ پر کوئی کور نہیں ہوتا، یعنی اس میں گرد اور دیگر کچرا آسانی سے اکٹھا ہو سکتا ہے۔ ہر گزرتے دن، ہفتے یا مہینوں کے ساتھ یہ کچرا فون کی چارجنگ پورٹ میں اکٹھا ہوتا رہتا ہے جس کے باعث چارجنگ کیبل کی کارکردگی متاثر ہوتی ہے۔ اگر آپ کسی فون کو 6 ماہ سے زائد عرصے سے استعمال کر رہے ہیں اور بتدریج اسے چارج ہونے میں زیادہ وقت لگنے لگا ہے، تو اس بات کا قوی امکان ہے کہ پورٹ میں موجود کچرا اس کی وجہ ہے۔ تو چارجنگ پورٹ کی صفائی کیسے کریں؟ سست اینڈرائیڈ فون سے پریشان ہیں؟ تو اسے تیز کرنےکے آسان طریقے جانیں اس کا حل بہت آسان ہے۔ لکڑی یا پلاسٹک سے بنی ٹوتھ پک یا ایسی ہی کوئی باریک چیز استعمال کرکے آپ چارجنگ پورٹ میں جمع کچرے کی صفائی کر سکتے ہیں۔ سوئی سے بھی یہ کام کیا جا سکتا ہے مگر درست طریقے سے اسے استعمال نہ کرنے سے فون کی چارجنگ پورٹ کو نقصان پہنچ سکتا ہے۔ تو ٹوتھ پک یا منتخب کی گئی چیز کو چارجنگ پورٹ میں داخل کرکے اسے نرمی سے کھرچنا شروع کریں۔ یو ایس بی سی پورٹ والے فونز میں چارجنگ کنکٹر کے اردگرد کھرچنا ہوتا ہے جو پورٹ کے وسط میں ہوتا ہے۔ ایسا کرنے سے پورٹ میں جمع کچرا اپنی جگہ چھوڑنے لگتا ہے اور اسے باہر نکالنا آسان ہو جاتا ہے۔ ایسا کرنے کے دوران آپ یہ دیکھ کر حیران ہر جائیں گے کہ کتنا کچرا پورٹ کے اندر جمع ہے۔ پورٹ کے اطراف میں بھی نرمی سے یہ کام کریں مگر زیادہ طاقت سے کھرچنے سے گریز کریں کیونکہ چارجنگ کنکٹرز کو نقصان پہنچ سکتا ہے۔ جب کافی مقدار میں کچرا باہر نکل جائے تو پھر فون کو چارج کریں۔ ایسا کرنے سے امید ہے کہ فون درست طریقے سے چارج ہونے لگے گا، تاہم ایسا نہ ہونے پر چارجنگ پورٹ کی دوبارہ صفائی کریں۔ اگر پھر بھی مسئلہ حل نہ ہو تو پھر کسی دوسرے حل جیسے نئی کیبل یا اڈاپٹر کو خریدنے پر غور کریں۔
اہم خبریں
Recent Posts
- شاہراہ قراقرم پاکستان اور چین کے تجارتی تعلقات میں ریڑھ کی ہڈی کا کردارادا کررہی ہے، سینیٹر اسحٰق ڈار
- بیک وقت کتنے افراد سے محبت ہو سکتی ہے؟ نادیہ افگن کے اہم انکشافات
- ایپل کا نیا ماڈل مارکیٹ میں آگیا
- اپوزیشن اگر آئین کی بالادستی میں دلچسپی رکھتی ہے تو پیپلزپارٹی موجود ہے: بلاول
- بانی پی ٹی آئی کی 190 ملین پاؤنڈ ریفرنس میں ضمانت منظور
ہمارا فیس بک پیج
خصوصی فیچرز
Archives
- May 2024
- April 2024
- March 2024
- February 2024
- January 2024
- December 2023
- November 2023
- October 2023
- September 2023
- August 2023
- July 2023
- June 2023
- May 2023
- April 2023
- March 2023
- February 2023
- January 2023
- December 2022
- November 2022
- October 2022
- September 2022
- August 2022
- November 2016
- May 2016
- November 2015
- June 2015