فرانس سے سیلاب متاثرین کیلئے امدادی سامان اسلام آباد پہنچ گیا

فرانس سے سیلاب متاثرین کیلئے امدادی سامان اسلام آباد پہنچ گی، ، جسے وفاقی وزیر صحت نے وصول کیا۔
وفاقی وزیر صحت عبدالقادر پٹیل نے فرانسیسی سفیر سے سامان وصول کیا، اور فرانس کا شکریہ ادا کیا۔
وفاقی وزیر صحت  نے بتایا کہ امدادی سامان میں سیلابی پانی نکالنے والے بڑ ے بڑے پمپ بھی شامل ہیں، فرانس کی جانب سے ڈاکٹرز اور ٹریننگ دینے والے ماہرین بھی ساتھ ہیں، دونوں ممالک میں سفارتی سطح پر دیرینہ تعلقات ہیں، ڈاکٹرز کی ٹیمیں اور تربیتی اسٹاف بھی امدادی سامان کے ہمراہ موجود ہیں۔
پورا ملک سیلاب کی زد میں ہے، سندھ اور بلوچستان میں بہت تباہی ہوئی ہے، سیلاب کی وجہ سے سندھ اور بلوچستان میں صحت کا نظام شدید متاثر ہے، انہوں نے اس عزم کا اظہار کیا کہ سیلاب متاثرین کی بحالی کیلئے حکومت چین سے نہیں بیٹھے گی۔