شمالی وزیرستان میں دو مسلح گروپوں میں تصادم، 5 افراد جاں بحق

شمالی وزیرستان میں دو مسلح گروپوں میں تصادم کے نتیجے میں پانچ افراد جاں بحق ہوگئے ہیں۔
رپورٹس کے مطابق شمالی وزیرستان میران شاہ کے علاقے ٹول خیل میں فریقین کے مابین فائرنگ کے درمیان پانچ ہلاکتیں ہوئی ہیں، ضلعی انتظامیہ نے واقعے کی تصدیق کی ہے۔
ضلعی انتظامیہ کے مطابق لاشوں کو میرانشاہ ڈی ایچ کیو اسپتال منتقل کر دیا گیا ہے، واقعہ زمین کا تنازع بتایا جارہا ہے۔
حکام کے مطابق واقعہ زمینی تنازعے پر پیش آیا ہے۔