شاہد آفریدی اور اجے دیوگن کی ملاقات، بھارتی عوام سیخ پا

سوشل میڈیا پر ایک بار پھر طوفان آیا، جب شاہد آفریدی اور اجے دیوگن کی ایک ساتھ گفتگو کرتے تصاویر وائرل ہو گئیں۔ تصاویر میں دونوں اسٹارز ہنستے، باتیں کرتے، بالکل بےفکری سے نظر آ رہے تھے — لیکن کچھ بھارتی صارفین کو یہ نظارہ ہضم نہ ہوا۔ بس پھر کیا تھا! تنقید، طعنے، اور دیش بھکتی کے نعرے شروع ہو گئے۔ سوشل میڈیا پر اجے دیوگن کو نشانے پر لے لیا گیا کہ وہ “ملک سے زیادہ پی آر کے چکر میں ہیں”۔ لیکن ٹھہریں! تصویر کی سچائی سن لیں… یہ کوئی تازہ ملاقات نہیں، بلکہ 2024 کی پرانی تصویر ہے، جب دونوں کی لندن میں ورلڈ چیمپیئنز لیگ کے دوران ملاقات ہوئی تھی۔ اب پرانی تصویر کو 2025 کا رنگ دے کر نیا شور مچایا جا رہا ہے۔ لگتا ہے سوشل میڈیا پر کچھ لوگوں کو تصویر کا سچ کم اور مرچ مصالحہ زیادہ پسند ہے۔