چاہت فتح علی خان کو لندن میں انڈے پڑ گئے، ویڈیووائرل

پاکستانی گلوکار چاہت فتح علی خان کو انگلینڈ میں انڈے پڑ گئے ،جس کی ویڈیو وائرل ہو گئی،سوشل میڈیاصارفین نے اس حرکت کی شدید مذمت کی ہے۔ چاہت فتح علی خان انگلینڈمیں تھے،جہاں ایک سردار جی متنازع پاکستانی گلوکارچاہت فتح علی خان کے ساتھ تصویربنوا رہےتھے، تصویر بنوانے کے بعد وہ اپنے ساتھی کو چاہت فتح علی خان کے ساتھ تصویربنانے کی دعوت دیتے ہیں۔ اسی دوران ایک شخص بھاگتا ہوا آتا ہے اور ان کے سرپر انڈہ مار کر بھاگ جاتا ہے، چاہت فتح علی خان اس حرکت پر ابھی سنبھل نہیں پاتے کہ پیچھے سے دوسرا شخص ان کے سر پر انڈہ مار کر بھاگ جاتا ہے۔ چاہت فتح علی خان کے ساتھ اس حرکت کی وائرل ہونے پر سوشل میڈیا صارفین کی جانب سے غصے کا اظہار کیا جارہا ہے۔صارفین کاکہناتھا کہ آپ کسی سے اختلاف کر سکتے ہیں لیکن یہ طریقہ ٹھیک نہیں آپ اس کے گانے نہ سنو۔