بل گیٹس کی بھارتی شوبز انڈسٹری میں انٹری

مائیکروسافٹ کے بانی اور دنیا کی امیر ترین شخصیات میں سے ایک بل گیٹس کی بھارتی ٹی وی ڈراموں میں بھی انٹری ہوگئی۔ بھارتی میڈیا کے مطابق بل گیٹس مشہور بھارتی ڈرامے ‘کیونکہ ساس بھی کبھی بہو تھی 2‘ میں نظر آئیں گے۔ اس ہفتے جاری کیے گئے ایک نئے پرومو میں بل گیٹس کو ڈرامے کی مرکزی کردار تُلسی ویرانی (جسے اسمرتی ایرانی ادا کر رہی ہیں) کے ساتھ ویڈیو کال پر گفتگو کرتے ہوئے دکھایا گیا ہے۔ ویڈیو میں بل گیٹس اور تُلسی کے درمیان مختصر بات چیت ہوتی ہے جس میں تُلسی اپنے مخصوص انداز میں کہتی ہیں کہ ’بہت اچھا لگا یہ جان کر کہ آپ سیدھے امریکا سے میرے خاندان سے جڑ رہے ہیں۔ آپ کا ہم سب بے صبری سے انتظار کر رہے ہیں۔ پرومو کے کیپشن سے ظاہر ہوتا ہے کہ ڈرامے میں بل گیٹس کے انٹری کے پیچھے ایک مقصد ہے۔ پوسٹ کے مطابق ڈرامے میں بل گیٹس کا شامل ہونا ماں و بچے کی صحت کے حوالے سے ایک مہم کا حصہ ہے۔