ضلع ٹانک میں خفیہ اطلاع پر سیکیورٹی فورسز کے آپریشن میں 2 دہشت گرد مارے گئے۔ دہشت گرد گل یوسف دہشت گردی کی متعدد وارداتوں میں ملوث تھا۔ گل یوسف ٹانک اور ڈی آئی خان میں دہشت گرد حملوں سمیت بے گناہ شہریوں کے قتل اور بھتہ خوری میں ملوث تھا۔ انٹر سروسز پبلک ریلیشنز (آئی ایس پی آر) کے مطابق آپریشن میں گل یوسف عرف طور سمیت 2 دہشت گرد مارے گئے۔ آپریشن 4 اور 5 جنوری کی رات دہشت گردوں کی موجودگی کی اطلاع پر کیا گیا۔ آئی ایس پی آر کے مطابق مارا گیا دہشت گرد گل یوسف دہشت گردی کی متعدد وارداتوں میں ملوث تھا۔ گل یوسف ٹانک اور ڈی آئی خان میں دہشت گرد حملوں سمیت بے گناہ شہریوں کے قتل اور بھتہ خوری میں ملوث تھا۔ آئی ایس پی آر کے مطابق انتہائی مطلوب دہشت گرد گل یوسف کے سر کی قیمت 25 لاکھ روپے مقرر تھی۔ ترجمان کے مطابق ٹانک کے رہائشیوں نے سیکیورٹی فورسز کے آپریشن اور امن و امان کی بحالی کے لیے سیکیورٹی فورسز کی کوششوں کا خیر مقدم کیا ہے۔
