بالی ووڈ کے مسٹر پرفکشنسٹ عامر خان نے کہا ہے کہ وہ میگا اسٹار شاہ رخ خان اور دبنگ اسٹار سلمان خان کے ساتھ فلم بنانے پر کام کررہے ہیں۔ بالی ووڈ خانز کے کیریئر کو 25 سال سے زائد کا عرصہ کرچکا ہے، وہ نہ صرف بھارت بلکہ پوری دُنیا میں شہرت رکھتے ہیں، دُنیا بھر میں موجود مداح تینوں خانز کی فلموں کو بہت پسند کرتے ہیں۔ مداح کی کئی سالوں سے یہی خواہش ہے کہ شاہ رخ، سلمان اور عامر خان مشترکہ فلم میں کام کریں، یہ تینوں خانز اگرچہ الگ الگ فلموں میں مختصر کرداروں یا مرکزی کرداروں میں ایک ساتھ کام کر چکے ہیں لیکن کبھی تینوں نے مشترکہ فلم نہیں کی۔ گزشتہ کئی سال سے یہ خبر زیرِ گردش تھی کہ تینوں خانز جلد ہی کسی فلم میں ایک ساتھ نظر آئیں گے، اب عامر خان نے اس خبر کی تصدیق کردی ہے۔ بھارتی میڈیا کے مطابق عامر خان نے کامیڈین کپل شرما کے شو میں شرکت کی جہاں اداکار سے سوال کیا گیا کہ وہ شاہ رخ خان اور سلمان خان کے ساتھ مشترکہ فلم بنانے رہے ہیں؟ اس سوال کے جواب میں عامر خان نے کہا کہ میں نے حال ہی میں شاہ رخ ور سلمان خان سے ملاقات کی تھی اور اُن سے کہا تھا کہ ہم تینوں کئی سالوں سے ایک ہی انڈسٹری میں کام کررہے ہیں، اگر ہم نے اس دوران ایک ساتھ فلم نہیں بنائی تو یہ ہمارے کروڑوں مداحوں کے ساتھ ناانصافی ہوگی۔ عامر خان نے اپنی بات جاری رکھتے ہوئے کہا کہ میں نے اُن سے کہا کہ ہماری ایک ساتھ ایک فلم تو بنتی ہے۔ اداکار نے کہا کہ ہم تینوں ہماری مشترکہ فلم کے لیے زبردست کہانی اور اسکرپٹ کی تلاش میں ہیں، ہم بہت جلد اپنے مداحوں کی یہ خواہش پوری کریں گے۔ اُنہوں نے مزید کہا کہ سلمان اور شاہ رخ خان کے ساتھ دوستی کا گہرا رشتہ قائم ہے جبکہ سلمان بھائی تو مجھے تحفے میں کپڑے بھی دیتے ہیں۔
اہم خبریں
مزید پڑھیں
Load/Hide Comments
Recent Posts
- پاکستان کا ملٹی مشن کمیونیکیشن سیٹلائٹ لانچ کرنے کا اعلان
- سابق وزیر اعلیٰ پنجاب پرویز الہٰی کوٹ لکھپت جیل سے رہا
- آسٹریلیا کے ٹی 20 ورلڈکپ کے اسکواڈ میں کون سے اہم کھلاڑی شامل
- سرکاری و نجی تعلیمی اداروں میں موسم گرما کی تعطیلات کے متعلق بڑا فیصلہ
- حکومت پنجاب کا ایک اور انوکھا کارنامہ، گھروں کی صفائی ستھرائی پر بھی چارجز لاگو
ہمارا فیس بک پیج
خصوصی فیچرز
Archives
- May 2024
- April 2024
- March 2024
- February 2024
- January 2024
- December 2023
- November 2023
- October 2023
- September 2023
- August 2023
- July 2023
- June 2023
- May 2023
- April 2023
- March 2023
- February 2023
- January 2023
- December 2022
- November 2022
- October 2022
- September 2022
- August 2022
- November 2016
- May 2016
- November 2015
- June 2015