ممبئی: بالی ووڈ کی معروف اداکارہ پریتی زنٹا نے سوشل میڈیا پر سوال و جواب کے سیشن میں سلمان خان اور شاہ رخ سے متعلق دلچسپ باتیں شیئر کیں۔ پریٹی زنٹا اُن چند ہیروئنز میں سے ایک ہیں جنھوں نے سلمان خان اور شاہ رخ خان کے ساتھ الگ الگ فلموں میں کام کیا۔ اس لیے وہ ان دونوں سپر اسٹارز کے بارے میں کئی ایسی باتیں جانتی ہیں جس سے کم ہی لوگ آشنا ہوں گے۔ اداکارہ پریتی زنٹا سوشل میڈیا پر کافی متحرک ہیں۔ اپنے مداحوں سے رابطے میں رہتی ہیں اور اپنے سوشل میڈیا اکاؤنٹس پر سوال و جواب کا سیشن بھی رکھتی ہیں۔ ایسے ہی ایک سیشن میں بات چھیڑ گئی بالی ووڈ کے کنگ خان ۔۔ شاہ رخ خان اور دبنگ اسٹار سلمان خان کی۔۔ حسن اتفاق کہیے یا قمست ۔۔ پریٹی زنٹا کی شاہ رخ خان اور سلمان کے ساتھ جوڑی مداحوں میں یکساں مقبول رہی جب کہ عمومی طور پر ایسا نہیں ہوتا۔ پریٹی زنٹا نے فلم ’’دل سے‘‘ میں شاہ رخ خان کے ساتھ کام کیا تھا اور بالی ووڈ میں اپنی پہچان بنائی تھی۔ اس کے علاوہ ’’کل ہو نا ہو‘‘، ویر زارا اور ’’کبھی الودع نہ کہنا‘‘ جیسی کامیاب فلموں میں شاہ رخ خان کے ساتھ نظر آئیں۔ کنگ خان سے متعلق پوچھے گئے سوال کے جواب میں اداکارہ نے کہا کہ شاہ رخ خان توانائی سے بھرپور اداکار ہیں۔ وہ سیٹ پر سب کو ہنساتے ہیں اور پُرجوش رہتے ہیں۔ میں نے ان سے بہت کچھ سیکھا ہے۔ سلمان خان سے متعلق پریٹی زنٹا نے بتایا کہ دبنگ خان کی پہچان فائٹنگ ہیرو کے طور پر ہے لیکن وہ اچھی موسیقی کے دلدادہ ہیں۔ وہ نرم دل کے مالک ہیں اور اپنے ساتھیوں کی مدد کے لیے ہر وقت کمربستہ نظر آتے ہیں۔ اداکارہ نے مزید کہا کہ سلمان خان بہت محنتی اور باصلاحیت اداکار ہیں، ان کے ساتھ کام کرکے مزہ آتا ہے۔ سلمان خان کے ساتھ پریٹی زنٹا نے ’’ ہر دل جو پیار کرے گا‘‘ اور ’’چوری چوری چپکے چپکے‘‘ میں کام کیا تھا۔ دونوں اداکاروں کے ساتھ دوبارہ کام کرنے کے حوالے سے پریٹی زنٹا نے کہا کہ ایک اچھا اسکرپٹ ملا جس کہانی جاندار ہو اور کچھ نیا کام کرنے کا موقع ہو تو وہ ضرور فلم کریں گی۔
اہم خبریں
مزید پڑھیں
Load/Hide Comments
ہمارا فیس بک پیج
خصوصی فیچرز
Archives
- May 2024
- April 2024
- March 2024
- February 2024
- January 2024
- December 2023
- November 2023
- October 2023
- September 2023
- August 2023
- July 2023
- June 2023
- May 2023
- April 2023
- March 2023
- February 2023
- January 2023
- December 2022
- November 2022
- October 2022
- September 2022
- August 2022
- November 2016
- May 2016
- November 2015
- June 2015