سانپوں کا ذکر سن کر کوئی بھی شخص لا تعلق نہیں رہ سکتا، یا تو وہ اُن کے بارے میں دلچسپی اور پسندیدگی ظاہر کرے گا اور یا پھر اُن سے خوف کا اظہار کرے گا۔
سوال لیکن یہ ہے کہ کیا زہریلے سانپ واقعی خطرناک بھی ہوتے ہیں؟ کون سے سانپ ایسے ہیں، جن کے راستے سے ہَٹ جانا ہی بہتر ہوتا ہے۔
میڈیا رپورٹس کے مطابق دنیا بھر میں لگ بھگ سانپوں کی 3 ہزار سے زائد اقسام پائی جاتی ہیں جس میں سے 20 فیصد سانپ زہریلے ہوتے ہیں۔
غیر ملکی میڈیا کی رپورٹ کے مطابق انلینڈ ٹائیپن دنیا کا سب سے زہریلا سانپ ہے، انلینڈ ٹائیپن عام طور پر آسٹریلیا میں پائے جاتے ہیں اور دن کے ابتدائی اوقات میں سب سے زیادہ متحرک ہوتے ہیں۔
میڈیا رپورٹس کے مطابق انلینڈ ٹائیپن کے ڈسنے میں 110 ملی گرام زہر ہوتا ہے جو 100 سے زائد لوگوں یا 250,000 چوہوں کی جان لے سکتا ہے۔
انلینڈ ٹائیپن کے ڈسے ہوئے 80 فیصد افراد کی موت ہو جاتی ہے، اس کے زہر سے انسان کی 45 منٹ کے اندر موت واقع ہو سکتی ہے۔
