عوامی مسلم لیگ کے سربراہ اور سابق وفاقی وزیر شیخ رشید احمد کا کہنا ہے کہ ایک طرف بچت کا نعرہ ہے دوسری طرف 85 وزرا کا جمعہ بازار لگا ہے۔
سماجی رابطے کی ویب سائٹ ٹوئٹر پر جاری بیان میں شیخ رشید نے کہا ہے کہ چیف جسٹس نے کہا ہے کہ صدر بھی الیکشن کی تاریخ دے سکتے ہیں۔ سپریم کورٹ اہم فیصلے کے قریب ہے، ایک طرف بچت کا نعرہ ہے دوسری طرف 85 وزرا کا جمعہ بازار لگا ہے، 65 کروڑ روپے غیرضروری وزرا نے غیر ضروری دوروں پر خرچ کیے ہیں اس میں بلاول کے اخرجات شامل نہیں صدر نے اٹارنی جنرل پر عدم اعتماد اور سلمان راجہ کووکیل مقرر کیا۔
شیخ رشید کا کہنا ہے کہ مریم نواز کے مضحکہ خیز بچگانہ مطالبات سے کام نہیں چلے گا اب حکومت کو الیکشن کروانا پڑیں گے، راجن پور میں PTI کو تاریخی ووٹ ملیں ہیں۔
انہوں نے کہا ہے کہ ایک طرف کہتے ہیں فل کورٹ بنایا جائے دوسری طرف کہتے ہیں 2 ججوں کو ہٹایا جائے بلاول اور مریم جو زبان ججوں کے خلاف استعمال کررہے ہیں اُس سے آنے والے الیکشن کا خوف ظاہر ہوتا ہے۔
چیف جسٹس نےکہاہےکہ صدربھی الیکشن کی تاریخ دےسکتےہیں سپریم کورٹ اہم فیصلےکےقریب ہےایک طرف بچت کا نعرہ ہےدوسری طرف85وزراکاجمعہ بازارلگاہے65کروڑروپےغیرضروری وزرانےغیرضروری دوروں پرخرچ کیےہیں اس میں بلاول کےاخرجات شامل نہیں صدرنےاٹارنی جنرل پر عدم اعتماد اور سلمان راجہ کووکیل مقررکیا
— Sheikh Rashid Ahmed (@ShkhRasheed) February 28, 2023
