پاکستان تحریک انصاف ( پی ٹی آئی ) کے چیئرمین عمران خان کی اسلام آباد جوڈیشل کمپلیکس پیشی کے موقع پر ہنگامہ آرائی کرنے والوں کے خلاف کارروائی کا فیصلہ کیا گیا ہے۔
اسلام آباد پولیس کی جانب سے جاری بیان میں کہا گیا ہے کہ جوڈیشل کمپلیکس میں توڑ پھوڑ کرنے والوں کیخلاف کارروائی کی جائے گی۔ ترجمان اسلام آباد پولیس نے کہا کہ کسی اور عدالت میں عمل دہرایا گیا تو طاقت کا استعمال کیا جا سکتا ہے۔ مظاہرین اور ان کے قائدین کیخلاف کارروائی کی جائے گی۔
یہ بھی پڑھیں: توشہ خانہ کیس: عمران خان کے ناقابل ضمانت وارنٹ گرفتاری جاری
ترجمان کے مطابق جوڈیشل کمپلیکس میں گھسنے والوں کے خلاف مقدمہ درج کیا جا رہا ہے۔ سرکاری املاک کو نقصان پہنچانے والوں کو کارروائی کا سامنا کرنا ہوگا۔ دروازہ کھولنے میں معاونت کرنے والوں کیخلاف بھی کارروائی ہوگی۔ سی سی ٹی وی کیمروں سے افراد کی شناخت کی جا رہی ہے۔ سرکاری املاک کو نقصان پہنچانے والوں کو کارروائی کا سامنا کرنا ہوگا۔وفاقی پولیس کے ترجمان نے یہ بھی کہا ہے کہ دروازہ کھولنے میں معاونت کرنے والوں کیخلاف بھی کارروائی ہوگی۔
جوڈیشل کمپلیکس میں توڑ پھوڑ۔مظاہرین کی قیادت کرنے والوں اور توڑ پھوڑ کرنے والوں کے خلاف کارروائی عمل میں لائی جائے گی۔جوڈیشل کمپلیکس میں داخل ہونے والوں کے خلاف مقدمہ درج کیا جا رہا۔ سرکاری املاک کو نقصان پہنچانے والوں کو کارروائی کا سامنا کرنا ہوگا۔1/2
— Islamabad Police (@ICT_Police) February 28, 2023
واضح رہے کہ عمران خان کی اسلام آباد کی چار عدالتوں میں پیشی کے موقع پر کارکنان کی جانب سے جوڈیشل کمپلیکس میں ہنگامہ آرائی کی گئی تھی۔ اس موقع پر سیکڑوں کارکنان حفاظتی حصار توڑ کر اندر داخل ہوئے اور انہوں نے گیٹ اور سیکیورٹی کیمرے توڑ دیئے۔
کارکنوں کی جانب سے شدید نعرے بھی لگائے گئے۔ عمران خان کی پیشی کے موقع پر پی ٹی آئی کی اعلیٰ قیادت بھی موجود رہی، تاہم کسی ایک رہنما کی جانب سے کارکنوں کو ضبط اور صبر کا مشورہ نہیں دیا گیا۔ عمران خان جب قافلے کے ہمراہ جوڈیشل کمپلیکس پہنچے اور مراد سعید عمران خان کی گاڑی کی چھت پر موجود تھے۔
واقعہ پر وفاقی وزیر اطلاعات و نشریات مریم اورنگزیب کی جانب سے بھی شدید غصے کا اظہار کیا گیا تھا۔
مریم اورنگزیب کا کہنا تھا کہ عدالت گھڑی چور کی حاضری کا پوچھ رہی ہے جو اب تک پیش نہیں ہوا، عدالت پوچھ رہی ہے کہ ملزم کہاں ہے؟ جواب ملا وقت کا نہیں بتاسکتے۔ عدالت پوچھ رہی ہے کہ ملزم کس وقت پیش ہوگا، جواب ملا کہ عمران خان سے رابطہ نہیں ہورہا۔
Minister for Information and Broadcasting @Marriyum_A has regretted the ransacking of judicial complex on the occasion of appearance of PTI Chairman Imran Khan before a court in Islamabad today@MoIB_Official https://t.co/LwbaC9P8FV pic.twitter.com/b4pFt559Rf
— Radio Pakistan (@RadioPakistan) February 28, 2023
انہوں نے سوال کرتے ہوئے کہا کہ ججز کو گالی دھمکی، عدالتوں پر حملہ ، جوڈیشل کمپلیکس کی توڑ پھوڑ کیوں؟۔ ایک شخص آئین عدالتی نظام پر حملہ ہے اور کوئی نوٹس نہیں ؟۔ جب عدالتیں پیشی پر بالائیں گی منتوں پر اُتر آئیں گی تاریخ پہ تاریخ دیں گی تو ایسا تو ہوگا۔!۔
