چیئرمین پی ٹی آئی عالمی میڈیا کو انٹرویوز میں جان بوجھ کر غلط بیانی کررہے ہیں: وزیر اعظم

وزیر اعظم شہباز شریف نے کہا ہے کہ چئیرمین پاکستان تحریک انصاف (پی ٹی آئی) عمران خان عالمی میڈیا کو انٹرویوز میں غلط بیانی کررہے ہیں، عمران نیازی کھلے عام اور جان بوجھ کر مقامی اور غیر ملکی سامعین کو جعلی خبروں اور سادہ غلط بیانی کے ذریعے غلط معلومات فراہم کر رہے ہیں۔ وزیر اعظم شہباز شریف نے سماجی رابطے کی ویب سائٹ ٹوئٹر پر جاری بیان میں کہا ہے کہ بین الاقوامی ذرائع ابلاغ کے ساتھ اپنے انٹرویوز میں عمران نیازی کھلے عام اور جان بوجھ کر مقامی اور غیر ملکی سامعین کو جعلی خبروں اور غلط بیانی کے ذریعے غلط معلومات فراہم کر رہے ہیں۔ انہوں نے کہا ہے کہ 9 مئی کے بعد کے واقعات کو ‘انسانی حقوق کی خلاف ورزیوں’ اور ‘سیاسی احتجاج کے حق کو سلب کرنے’ کے طور پر عمران خان کی وضاحت نہ صرف گمراہ کن ہے بلکہ اس کا مقصد ملک سے باہر کے لوگوں سے ہمدردیاں لینا چاہتے ہیں۔ In his interviews with international media outlets, Imran Niazi is openly and deliberately disinforming local & foreign audiences by glib talk laced with fake news & plain misrepresentation. His expedient description of the post-May 9 events as ‘human rights abuses’ & ‘stifling… — Shehbaz Sharif (@CMShehbaz) June 5, 2023 وزیر اعظم نے کہا ہے کہ عمران خان کی پارٹی نے 9 مئی کو جو کیا وہ ریاست پاکستان پر ایک گھناؤنا حملہ تھا، جس کے مذموم ارادے اور مذموم مقاصد تھے۔ دنیا کا کوئی بھی ملک اپنی سالمیت کو تباہ کرنے کی ایسی کوشش کو برداشت نہیں کرے گا۔ شہباز شریف کا کہنا ہے کہ سب کو یقین دلاتا ہوں کہ مجرموں سے قانون کے تحت نمٹا جائے گا اور میں اس بات کو یقینی بناؤں گا کہ حقوق کی خلاف ورزی نہ ہو۔ ہر معاملے کو قانون کے تحت مناسب طریقے سے نمٹایا جائے گا۔ انہوں نے مزید کہا ہے کہ پاکستان انسانی حقوق سے متعلق اپنی تمام آئینی اور بین الاقوامی ذمہ داریوں کا مکمل احترام اور پابند ہے۔