نواسہ رسول ﷺ حضرت امام حسین علیہ السلام کی کربلا میں یزیدی فوج کے ہاتھوں شہادت کے دن آج یوم عاشور پر ملک بھر میں جلوس اور مجالس عزا کا سلسلہ جاری ہے۔ جلوسوں کے اختتام پر مجالس شام غریباں منعقد ہوں گی، امام عالی مقام، ان کےعزیزوں اور ساتھیوں کی شہادت کے بعد نبیﷺکے گھرانے کی خواتین پر مظالم… کراچی میں 10محرم الحرام کی نشترپارک میں مجلس کا آغاز ہوچکا ہے جب کہ مجلس میں شرکت کے لیے شرکاء کی آمد کاسلسلہ بھی جاری ہے۔ مجلس کے اختتام کے بعد مرکزی جلوس نشترپارک سے برآمد ہوگا، شبیہہ علم، تابوت اور ذوالجناح کی زیارت ہوگی جس میں ملک بھر سے ماتمی دستے شریک ہوں گے۔ ادھر حیدرآباد،ملتان، فیصل آباد،گوجرانوالہ ،پشاور اور کوئٹہ میں بھی مرکزی جلوس برآمد ہوں گے۔ جلوسوں کے اختتام پر مجالس شام غریباں منعقد ہوں گی، امام عالی مقام، ان کےعزیزوں اور ساتھیوں کی شہادت کے بعد نبیﷺکے گھرانے کی خواتین پر مظالم بیان ہوں گے۔ لاہور میں محرم الحرام کا جلوس: لاہور کی نثار حویلی سے برآمد جلوس میں ہزاروں عزاداروں نے شرکت کی جس میں حضرت امام حسین علیہ السلام کے بیٹےحضرت علی اکبر کی آخری اذان کاتذکرہ کیا گیا، اس کے علاوہ نبی کریم ﷺ کے گھرانے پرمظالم کے غم میں زنجیروں کاماتم کیا گیا۔ پشاور میں 10 محرم الحرام کا جلوس: پشاورمیں یوم عاشور پرمختلف امام بارگاہوں سے 12 جلوس برآمد ہوں گے، پہلا جلوس صبح 11 بجے امام بارگاہ سید علی شاہ رضوی کوچہ جان پیپل منڈی سے برآمد ہوگا۔ جلوسوں کی سکیورٹی کے لیے پولیس کے 13 ہزار اہلکار تعینات کیے گئے ہیں، جلوس کی گزرگاہوں کو کلیئر کرنے کے لیے بم ڈسپوزل یونٹ کے اہلکار موجود ہیں، جلوسوں کی طرف جانے والے تمام راستے سیل کردیے گئے جب کہ شہر بھر میں موبائل فون سروس بند ہے۔ راولپنڈی میں 10 محرم الحرام کا جلوس اور سکیورٹی انتظامات: راولپنڈی میں دسویں محرم کا مرکزی جلوس امام بار گاہ عاشق حسین سے نکلے گا، جلوس کے لیے راولپنڈی پولیس نے سکیورٹی انتظامات کو حتمی شکل دے دی۔ پنڈی میں 6000 سے زائد افسران و اہلکار سکیورٹی فرائض سرانجام دیں گے، 1000کے قریب ٹریفک اسٹاف ٹریفک کی روانی کو یقینی بنائے گا، شہر میں مرکزی جلوس پر 3000سے زائد افسران و اہلکار تعینات ہوں گے۔ سی پی او کے مطابق جلوس کے انٹری پوائنٹس پر واک تھرو گیٹس لگائے جائیں گے، جلوس کے روٹ کی سرچنگ اور سویپنگ کی جائے گی،جلوس کے روٹ پر گلیوں، سڑکوں اور دیگر راستوں کو سیل کیا جائے گا۔
اہم خبریں
مزید پڑھیں
Load/Hide Comments
ہمارا فیس بک پیج
خصوصی فیچرز
Archives
- May 2024
- April 2024
- March 2024
- February 2024
- January 2024
- December 2023
- November 2023
- October 2023
- September 2023
- August 2023
- July 2023
- June 2023
- May 2023
- April 2023
- March 2023
- February 2023
- January 2023
- December 2022
- November 2022
- October 2022
- September 2022
- August 2022
- November 2016
- May 2016
- November 2015
- June 2015