آج 6 ستمبر کو یومِ دفاع کے موقع پر کراچی میں بانیٔ پاکستان قائدِ اعظم محمد علی جناح ؒ کے مزار پر گارڈز کی تبدیلی کی پُر وقار تقریب منعقد ہوئی۔ پی اے ایف اصغر خان اکیڈمی کے ایئر آفیسر کمانڈنگ ایئر وائس مارشل غضنفر لطیف تقریب کے مہمانِ خصوصی تھے۔ مزارِ قائد پر پاک فضائیہ کے کیڈٹس نے گارڈز کے فرائض سنبھال لیے۔ تبدیلیٔ گارڈز کی تقریب میں 7 خواتین سمیت 57 کیڈٹس نے حصہ لیا۔ مہمانِ خصوصی ایئر وائس مارشل غضنفر لطیف نے اس موقع پر مزارِ قائد پر پھولوں کی چادر رکھی، فاتحہ خوانی کی اور مہمانوں کی کتاب میں اپنے تاثرات قلم بند کیے۔ مزارِ قائد پر گارڈز کی تبدیلی کی تقریب سے خطاب کرتے ہوئے مہمانِ خصوصی ایئر وائس مارشل غضنفر لطیف نے کہا کہ ہمارے جوان ملکی دفاع کے لیے بے شمار قربانیاں دیتے رہے ہیں۔ انہوں نے کہا کہ ہماری افواج نے سرحدوں کی حفاظت دل وجان سے کی ہے، آج کا دن ہمارے شہداء اور غازیوں کے نام ہے۔ ایئر وائس مارشل غضنفر لطیف کا کہنا ہے کہ وطن سے محبت اور آزادی کی قدر ہمیں ورثے میں ملی ہے، افواجِ پاکستان کی ہر فتح کے پیچھے قوم کی دعائیں ہوتی ہیں۔ ان کا کہنا ہے کہ 6 ستمبر کا معرکہ ایک بے مثال کارنامہ ہے، آج کا دن اُن شہیدوں کے نام ہے جن کی وجہ سے ہم سانس لے رہے ہیں۔ ایئر وائس مارشل غضنفر لطیف نے مزید کہا کہ آج تجدیدِ عہد کا دن ہے، پاکستان کو ترقی اوراستحکام کی بلندی پر لے کر جانا ہے۔ انہوں نے اپنے خطاب میں یہ بھی کہا کہ پاکستان قائم رہنے کے لیے بنا ہے، دنیا کی کوئی طاقت پاکستان کو ختم نہیں کر سکتی۔
اہم خبریں
مزید پڑھیں
Load/Hide Comments
ہمارا فیس بک پیج
خصوصی فیچرز
Archives
- May 2024
- April 2024
- March 2024
- February 2024
- January 2024
- December 2023
- November 2023
- October 2023
- September 2023
- August 2023
- July 2023
- June 2023
- May 2023
- April 2023
- March 2023
- February 2023
- January 2023
- December 2022
- November 2022
- October 2022
- September 2022
- August 2022
- November 2016
- May 2016
- November 2015
- June 2015