سونے کی قیمتوں میں بڑا اضافہ ہو گیا

عالمی اور مقامی مارکیٹوں میں آج بھی سونے کی قیمت میں بڑا اضافہ دیکھنے میں آیا، جس کے نتیجے میں نرخ تاریخ کی بلند ترین سطح تک پہنچ گئے۔ بین الاقوامی مارکیٹ میں فی اونس سونے کی قیمت 33 ڈالر کے اضافے کے بعد 3,480 ڈالر کی نئی بلند سطح پر پہنچ گئی۔ عالمی مارکیٹ میں اس اضافے کے اثرات کی وجہ سے مقامی مارکیٹ میں فی تولہ سونے کی قیمت بھی 3,300 روپے بڑھ کر 3 لاکھ 70 ہزار 700 روپے کی نئی بلند ترین سطح پر پہنچ گئی۔ اسی طرح، فی دس گرام سونے کی قیمت 2829روپے بڑھ کر 3لاکھ 17ہزار 815روپے کی نئی بلند ترین سطح پر آگئی۔