سی ٹی ڈی کی بروقت کارروائی، بہاولنگر میں بھارتی خفیہ ایجنسی کے دو دہشتگرد پکڑے گئے

محکمہ انسداد دہشت گردی (سی ٹی ڈی) نے بہاولنگر میں بروقت کارروائی کرتے ہوئے ایک بڑی دہشت گردی کی کوشش ناکام بنا دی۔ کارروائی کے دوران مشتبہ افراد کو گرفتار کیا گیا اور حملے کے لیے استعمال ہونے والے مواد اور اسلحہ برآمد کیا گیا۔ سی ٹی ڈی نے عوام کو محفوظ رکھنے اور دہشت گردانہ سرگرمیوں کو روکے رکھنے… ترجمان سی ٹی ڈٰی کے مطابق بہاولنگر سے دو دہشت گردوں کو گرفتار کرلیا گیا ہے۔ دہشتگرد کالعدم تنظیم سے تعلق رکھتے ہیں، ملزمان بھارتی خفیہ ایجنسی ’’را‘‘ سے رابطے میں تھے۔ دہشتگردوں کے قبضے سے اسلحہ، بارودی مواد اورجدید موبائل برآمد کرلیا گیا۔ ملزمان بڑا دھماکا کرنے کی منصوبہ بندی کررہے تھے۔ سی ٹی ڈٰی حکام کے مطابق پاکستان دشمنوں کے ناپاک عزائم کامیاب نہیں ہونے دیں گے۔ سی ٹی ڈی نے کارروائی کے بعد دہشتگردی کی دفعات کے تحت مقدمہ درج کیا۔ ملزمان کےخلاف ایکسپلوسو ایکٹ اور7 اے ٹی اے کے تحت مقدمہ درج کیا گیا۔ حکام کے مطابق ناکام بنائی گئی سازش میں انڈین ایجنسی را کی فنڈنگ کے شواہد ملے ہیں۔ جدید اسلحہ اوربارودی مواد تحویل میں لےکرفرانزک لیبارٹری بھجوادیاگیا۔