بھارتی ریاست ہماچل پردیش میں مسافر بس گہری کھائی میں گرنے کے نتیجے میں 14 افراد ہلاک ہو گئے۔ بھارتی میڈیا کے مطابق یہ واقعہ ہماچل پردیش کے ضلع سرمور میں پیش آیا ، بس کپوی سے شملہ جا رہی تھی کہ ہری پوردھر کے قریب پہاڑ سے کھائی میں جا گری۔ واقعے کی اطلاع ملتے ہی پولیس اور ریسکیو ٹیموں نے موقع پر پہنچ کر امدادی کارروائیاں شروع کیں۔ بس میں 66 افراد سوار تھے، جن میں سے 14 افراد موقع پر ہلاک جبکہ 52 افراد شدید زخمی ہو گئے۔ زخمیوں کو فوری طبی امداد کیلئے اسپتال منتقل کر دیا گیا ، کئی زخمیوں کی حالت تشویشناک ہے جس کی وجہ سے ہلاکتوں میں اضافے کا خدشہ ظہار کیا جا رہا ہے۔
بس کھائی میں جا گری ، 14 افراد ہلاک ، 52 زخمی
