ملکی زرمبادلہ کے ذخائر میں کروڑوں ڈالرز کا اضافہ

اسٹیٹ بینک آف پاکستان کے زرمبادلہ کے ذخائر(foreign reserves of pakistan) میں ایک ہفتے کے دوران 5 کروڑ 60 لاکھ ڈالر کا اضافہ ریکارڈ کیا گیا ہے۔ مرکزی بینک سے جاری اعداد وشمار کے مطابق زرمبادلہ کے سرکاری ذخائر میں گزشتہ ہفتے کے دوران 5 کروڑ 60 لاکھ ڈالر کا اضافہ ہوا ہے۔ جاری اعداد وشمار میں بتایا گیا ہے کہ سرکاری ذخائر کا حجم 30 جنوری کو 16 ارب 15 کروڑ 72 لاکھ ڈالر کی سطح پر آگیا ہے۔ اسی طرح کمرشل بینکوں کے پاس 5 ارب 18 کروڑ 15 لاکھ ڈالر کے ذخائر موجود ہیں۔جس کے بعد ملکی ذخائر کی مجموعی مالیت 21 ارب 33 کروڑ 87 لاکھ ڈالر ہو گئی ہے۔