آسٹرین کوہ پیما ولہلم اسٹینڈل جو دنیا کی دوسری بلند ترین چوٹی K-2 کی مہم جوئی کیلئے پاکستان آئے تھے لیکن مقامی پورٹر محمد حسن کی موت کی وجہ سے مہم جوئی ادھوری چھوڑ کر چلے گئے تھے انہوں نے محمد حسن کے بچوں اور ماں کی مالی امداد کیلئے 170000 امریکی ڈالر اکٹھے کر لیے ہیں۔ پورٹر محمد حسن کو حادثہ K-2 میں 8200 میٹر کی بلندی پر بوٹل نک کے مقام پر پیش آیا جہاں محمد حسن برفانی کھائی میں گرنے کے کچھ گھنٹےبعد دم توڑ گیا تھا۔ اس کی موت کے بعد ولہلم اسٹینڈل نے مہم جوئی ادھوری چھوڑ کر اپنے ملک واپس چلے گئے تھے جہاں اس نے ایک مہم “مجھے اس کیلئے فنڈ دیں” کے نام سے محمد حسن کی فیملی کی معاشی امداد کیلئے 170000 امریکی ڈالر اکٹھے کر لیے۔ آسٹرین کوہ پیما کو نگراں وزیر برائے سیاحت وصی شاہ نے اپنے دفتر آنے پر خوش آمدید کہا اس موقع پر میڈیا سے گفتگو کرتے ہوئے نگراں وزیر سیاحت نے یقین دلایا ہے کہ حکومت پاکستان محمد حسن کی فیملی، بیوہ، بچے اور ماں کے تمام اخراجات اٹھائے گی۔ ان کا مزید کہنا تھا کہ حکومت محمد حسن کے تینوں بچوں کی تعلیم، بیوہ کیلئے سرکاری نوکری اور بوڑھی ماں کے علاج معالجے کا بھی بندوبست کرے گی۔ وصی شاہ کا کہنا تھا کہ تاہم پورٹرز کیلئے کوئی عمومی انتظامات نہیں ہیں لیکن جب سے میں نے بطور وزیر سیاحت کا چارج سنبھالا ہے پی ٹی ڈی سی نے گلگت بلتستان یونیورسٹی کے تعاون سے ٹریننگ سیںٹرز کو قائم کرنے میں اہم کردار ادا کیا ہے۔ ان کا یہ بھی کہنا تھا کہ اس سے پہلے پورٹرز جو محمد حسن کی طرح حادثات کا شکار ہوتے تھے ان کی فیملی کی سپورٹ کیلئے کوئی انشورنس کا نظام نہیں تھا تاہم اسلام آباد اور اسکردو میں متعلقہ حکام سے کئی اہم ملاقاتوں کے بعد حکومت اس بات پر راضی ہو گئی ہے کہ پورٹرز کیلئے 30 لاکھ انشورنس دی جائے اب اس کو بڑھا کر 50لاکھ کرنے کیلئے کوششیں کی جا رہی ہیں۔ نگراں وزیر سیاحت کا کہنا تھا کہ یہ سب کچھ محمد حسن کی اچانک حادثاتی موت کی وجہ سے ہوا ہے لیکن میں جس چیز سے متاثر ہوا ہوں وہ ولہلم اسٹینڈل ہیں جو غیر پاکستانی ہونے کے باوجود محمد حسن اور اس کی فیملی کیلئے جو بے لوث لگن اور محنت کر رہا وہ قابل تعریف ہے۔ نگراں وزیر برائے سیاحت وصی شاہ نے پاکستان کی حکومت اور عوم کی طرف سے ولہلم اسٹینڈل کو زبردست خراج تحسین پیش کیا اور کہا کہ آپ کا یہ عمل اس بات کی بہترین مثال ہے کہ جب انسان ایک مشترکہ مقصد کے لیے اکٹھے ہوتے ہیں تو وہ حاصل کر لیتے ہیں۔
اہم خبریں
مزید پڑھیں
Load/Hide Comments
Recent Posts
- خبردار! عوامی مقامات پر لگے چارجنگ اسٹیشنز سے ہوشیار رہیں
- قومی ٹیم دورہ آئرلینڈ اور انگلینڈ کیلئے روانہ
- وزیر داخلہ کا اووربلنگ اور بجلی چوری روکنے کیلئے کریک ڈاؤن تیز کرنے کا حکم
- اسلام آباد ہائیکورٹ کا جسٹس بابر ستار کیخلاف سوشل میڈیا مہم پر توہین عدالت کی کارروائی کا فیصلہ
- ویوو کا طاقتور بیٹری کے ساتھ نیا فون متعارف
ہمارا فیس بک پیج
خصوصی فیچرز
Archives
- May 2024
- April 2024
- March 2024
- February 2024
- January 2024
- December 2023
- November 2023
- October 2023
- September 2023
- August 2023
- July 2023
- June 2023
- May 2023
- April 2023
- March 2023
- February 2023
- January 2023
- December 2022
- November 2022
- October 2022
- September 2022
- August 2022
- November 2016
- May 2016
- November 2015
- June 2015