سابق اسٹار آل راؤنڈر شاہد آفریدی ان دنوں سوشل میڈیا پر تنقید کے حوالے سے خبروں میں ہیں تاہم سابق کپتان نے خود پر تنقید کرنے والوں کو پیغام دیا ہے۔ پاکستان کرکٹ ٹیم کے سابق کپتان اور مایہ سابق آل راؤنڈر شاہد آفریدی جو کرکٹ سے ریٹائرمنٹ کے بعد بھی اپنے پرستاروں کا وسیع حلقہ رکھتے ہیں اور سوشل میڈیا پر بھی سرگرم رہتے ہیں ان دنوں تنقید کے حوالے سے خبروں کی زینت بنے ہوئے ہیں تاہم اب انہوں نے خود پر تنقید کرنے والوں کو پیغام دیا ہے۔ شاہد آفریدی جو کراچی کے بلوچ مجاہد اسٹیڈیم میں رمضان فٹبال ٹورنامنٹ دیکھنے کے لیے آئے تھے انہوں نے اس موقع پر وہاں غیر رسمی بات چیت کی اور کہا کہ میں پیار کرنے والا آدمی ہوں اور پیار ہی کروں گا۔ شاہد آفریدی نے کہا کہ مجھ پر جتنی تنقید کی جائے کوئی مسئلہ نہیں، میں خود پر تنقید کرنے والوں کو کوئی جواب نہیں دوں گا۔ واضح رہے کہ گزشتہ چند دنوں شاہد آفریدی ایک سیاسی جماعت کے حوالے سے تنقید کی زد میں ہیں اور اس حوالے سے کئی آرا سامنے آ رہی ہیں۔ شاہد آفریدی نے گزشتہ دنوں سماجی رابطوں کی ویب سائٹ ایکس (سابقہ ٹوئٹر) پر بھی اپنے ذاتی اکاؤنٹ سے اس حوالے سے ایک پیغام جاری کیا تھا جس میں انہوں نے لکھا تھا کہ بار بار میرے نام سے جعلی پوسٹ یا خبریں بنانے والوں سے التماس ہے کہ اپنی توانائیاں کسی مثبت کام میں لگائیں تاکہ یہ کام کسی اور کیلیے نہیں بلکہ کم سے کم اُن کے اپنے لیے تو فائدہ مند ثابت ہو۔ سابق کپتان نے یہ بھی کہا تھا کہ مجھے اگر کوئی بات کرنی یا بیان دینے کی ضرورت ہوئی تو اُس کے لیے میڈیا اور میرا ایکس (ٹویٹر) ہینڈل موجود ہے۔
اہم خبریں
مزید پڑھیں
Load/Hide Comments
Recent Posts
- حکومت کا غیر ملکی شہریوں کی سیکیورٹی کیلئے اسپیشل فورس بنانے کا فیصلہ
- سپریم کورٹ کا ملک بھر کی سڑکوں اور فٹ پاتھوں سے تجاوزات ختم کرنے کا حکم
- صنم سعید نے ڈراموں میں کام نہ کرنے کی وجہ بتادی
- خشک اور الجھے بالوں سے نجات کا طریقہ
- پی ٹی آئی کی جلد آرمی چیف و ڈی جی آئی ایس آئی سے بات ہوگی: شہریار آفریدی
ہمارا فیس بک پیج
خصوصی فیچرز
Archives
- April 2024
- March 2024
- February 2024
- January 2024
- December 2023
- November 2023
- October 2023
- September 2023
- August 2023
- July 2023
- June 2023
- May 2023
- April 2023
- March 2023
- February 2023
- January 2023
- December 2022
- November 2022
- October 2022
- September 2022
- August 2022
- November 2016
- May 2016
- November 2015
- June 2015