سلطان اذلان شاہ ہاکی کپ میں پاکستان نے میزبان ملائیشیا کو سنسنی خیز مقابلے کے بعد 5-4 گولز سے شکست دے کر ایونٹ کا کامیابی سے آغاز کیا۔ ہفتہ کو ملائیشیا کے شہرہ ایپوہ میں شروع ہونے والے سلطان اذلان شاہ ہاکی کپ کے 30ویں ایڈیشن میں کھیلے گئے میچ میں پاکستان اور ملائیشیا کے درمیان کانٹے دار مقابلہ دیکھنے کو ملا۔ پاکستان نے ڈریگ فلکر سفیان خان نے پہلے کوارٹر کے 9ویں منٹ میں گول کر کے ٹیم کو برتری دلائی تاہم چار منٹ بعد ہی ملائیشین کھلاڑی ابوکمال اظرائے نے گول کر کے مقابلہ 1-1گول سے برابر کر دیا۔ دوسرے کواrٹر کے 28ویں منٹ میں میزبان ٹیم کے ابو کمال اظرائے نے دوسرا گول کر کے ٹیم کو برتری دلا دی جبکہ تیسرے کوارٹر میں بھی ملائیشیا کا پلہ بھاری رہا اور ابو کمال اظرائے نے شاندار ہیٹرک کر کے ٹیم کو 1-3 کی برتری دلا دی۔ آخری کوارٹر میں دونوں ٹیموں کے درمیان زبردست مقابلہ دیکھنے کو ملا جہاں قومی ٹیم نے شاندار انداز میں میچ میں واپسی کی۔ پاکستان کے سفیان خان نے 50ویں اور ذکریا حیات نے 53ویں منٹ میں پنالٹی کارنر پر یکے بعد دیگرے دو گولز کر کے مقابلہ 3-3گولز سے برابر کر دیا۔ میچ کے 59ویں منٹ میں ملائیشیا کے شیلوسلوریس نے گول کر کے ایک بار پھر اپنی ٹیم کو برتری دلائی تاہم اسی منٹ میں سفیان خان نے ناصرف شاندار ہیٹ ٹرک مکمل کی بلکہ مقابلہ بھی 4-4گولز سے برابر کر دیا۔ میچ کے آخری منٹ میں پاکستان کے ابومحمود نے پینالٹی کارنر پر شاندار گول کر کے ٹیم کو سنسنی خیز مقابلے میں 4-5 سے فتح دلوا دی۔ پاکستانی ٹیم ایونٹ میں اپنا دوسرا میچ کل اتوار کو جنوبی کوریا کے خلاف کھیلے گا۔
اہم خبریں
مزید پڑھیں
Load/Hide Comments
ہمارا فیس بک پیج
خصوصی فیچرز
Archives
- May 2024
- April 2024
- March 2024
- February 2024
- January 2024
- December 2023
- November 2023
- October 2023
- September 2023
- August 2023
- July 2023
- June 2023
- May 2023
- April 2023
- March 2023
- February 2023
- January 2023
- December 2022
- November 2022
- October 2022
- September 2022
- August 2022
- November 2016
- May 2016
- November 2015
- June 2015