پاکستان کرکٹ ٹیم کے آل راؤنڈر عماد وسیم نے کہا ہے کہ عامر، عماد اور میری بہت اچھی دوستی ہے، ہم ساتھ بیٹھ کر کھاتے ہیں۔ ٹریننگ سیشن کے بعد میڈیا سے گفتگو کرتے ہوئے انہوں نے کپتان بابر اعظم اور اپنے درمیان اختلافات کی خبروں پر ردِ عمل دیا۔ انہوں نے کہا میڈیا میں میرے، عامر اور بابر سے متعلق کافی کچھ چل رہا تھا۔ عماد وسیم کا کہنا تھا کہ ہم ساتھ اٹھتے، بیٹھتے اور ساتھ کھاتے ہیں۔ آپ کسی دن ہم تینوں کو ساتھ کھڑا کرکے محمد عامر یا بابر اعظم سے پوچھ لیں، ایسا ایک فیصد بھی کچھ نہیں۔ اس سے قبل دورہ آئرلینڈ اور انگلینڈ کے لیے قومی ٹیم کے پریکٹس اور میڈیا سیشن کے دوران گفتگو کرتے ہوئے انہوں نے کہا تھا کہ مجھ پر کسی کھلاڑی کا کوئی پریشر نہیں ہے۔ کوشش ہے ورلڈ کپ کھیلنے نہیں جیتنے جائیں۔ قومی کرکٹر نے مزید کہا کہ ‘میری ٹی 20 میں واپسی اس لیے ہوئی ہے کہ پاکستان کے لیے بہتر کریں. ورلڈ کپ ہمارے لیے بڑا ایونٹ ہے۔ تمام کھلاڑی کپتان بابر اعظم کو سپورٹ کر رہے ہیں، سب کی نظریں ہم پر ہیں، ہم قوم کو مایوس نہیں کریں گے۔’ اس موقع پر فاسٹ باؤلر نسیم شاہ بولے کہ ‘میں مکمل فٹ ہوں، کوشش ہے ورلڈ کپ میں ٹیم کو جتواؤں۔ محمد عامرکے پاس تجربہ ہے، وہ لیگز کھیلتے ہیں، تجربہ بہت کام آتا ہے، عامر کی واپسی سےٹیم کو بہت فائدہ ہوا۔
اہم خبریں
مزید پڑھیں
Load/Hide Comments
ہمارا فیس بک پیج
خصوصی فیچرز
Archives
- May 2024
- April 2024
- March 2024
- February 2024
- January 2024
- December 2023
- November 2023
- October 2023
- September 2023
- August 2023
- July 2023
- June 2023
- May 2023
- April 2023
- March 2023
- February 2023
- January 2023
- December 2022
- November 2022
- October 2022
- September 2022
- August 2022
- November 2016
- May 2016
- November 2015
- June 2015