آرمی چیف آج سندھ کے سیلاب متاثرہ علاقوں کا دورہ کریں گے

آرمی چیف جنرل قمر جاوید باجوہ آج سندھ میں سیلاب سے متاثرہ علاقوں کا دورہ کریں گے۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف اپنے دورے کے دوران امدادی سرگرمیوں میں مصروف فوجی دستوں سے بھی ملاقات کریں گے۔ پاک فوج نے متاثرین کی مدد کے لیے 212 ریلیف کلیکشن پوائنٹس قائم کر رکھے ہیں جن میں سے سندھ میں 81، پنجاب میں 73، بلوچستان میں 41 اور خیبر پختونخوا میں 17 ہیں۔
پاک فوج نے سیلاب متاثرین کی مدد کے لیے فلڈ ریلیف ڈونیشن اکاؤنٹ بھی قائم کر دیا ہے۔ اکاؤنٹ عسکری بینک جی ایچ کیو برانچ میں کھولا گیا ہے اور عوام اکاؤنٹ نمبر 00280100620583 میں عطیات جمع کرا سکتے ہیں۔
بلوچستان میں سیلاب متاثرہ علاقوں میں پاک فوج کی امدادی سرگرمیاں جاری ہیں جبکہ پاک فوج اور ایف سی کی جانب سے کوئٹہ، مسلم باغ، چمن، سوئی، ڈیرہ بگٹی، سبی، لہڑی، نصیر آباد، بیلہ، اُتھل اور جعفر آباد میں امدادی کیمپ قائم کیے ہوئے ہیں۔ امدادی کیمپس میں خوراک اور دیگر سہولیات فراہم کی جا رہی ہیں۔