ترقی یافتہ ملک سرمایہ کاری کے عوض ویزے دے رہے ہیں اور پاکستانی لاکھوں ڈالر لے کر باہر جا رہے ہیں: چیئرمین نیب

قومی احتساب بیورو (نیب) کے چیئرمین لیفٹیننٹ جنرل ریٹائرڈ نذیر احمد بٹ نے کہا ہے کہ رواں برس نیب نے مختلف کارروائیوں کے ذریعے 13.57 ارب ڈالر یعنی 3800 ارب روپے برآمد کئے ہیں جو کہ ایک سال میں سب سے بڑی برآمدگی ہے۔ انھوں نے کہاکہ نیب نےقیام سےاب تک بلواسطہ اوربلاواسطہ6 اعشاریہ 1 کھرب روپےکی برآمدگی کی، ہزاروں… نذیر احمد بٹ نے کہا کہ پاکستان کو قانونی امیگریشن کا چیلنج درپیش ہے، ترقی یافتہ ملک سرمایہ کاری کے عوض رہائش اور ویزے دے رہے ہیں اور پاکستانی 5-5 لاکھ اور 10-10 لاکھ ڈالر لے کر باہر جا رہے ہیں۔ چیئرمین نیب کا کہنا تھا کہ یہ جاننا ضروری ہے ان کے پاس یہ رقم کہاں سے آئی؟ کیونکہ ان میں سے اکثر یہاں ٹیکس دہندہ بھی نہیں ہوتے۔