کواڈ کا غیر جانب دار مؤقف: پاکستان کی سفارتی حکمت عملی کامیاب

کواڈ ممالک نے غیر جانبدار موقف اختیار کرتے ہوئے پہلگام واقعے پر واشنگٹن میں ایک مشترکہ بیان جاری کر دیا۔ سی این بی سی کے مطابق کواڈ ممالک ، بھارت، امریکہ, جاپان، آسٹریلیا کی جانب سے پہلگام واقعے کی شدید مذمت اور فوری انصاف کا مطالبہ کر دیا۔ سی این بی سی کے مطابق، کواڈ مشترکہ بیانیے میں نہ پاکستان کا نام لیا گیا اور نہ ہی پاکستان کو حملے کا ذمہ دار ٹھہرایا گیا۔ بھارت کے پاکستان پر عائد کردہ الزامات کو عالمی برادری نے ایک بار پھر مکمل طور پر مسترد کر دیا، کواڈ کا مشترکہ بیان بھارتی بیانیے کی عالمی سطح پر عدم قبولیت کا منہ بولتا ثبوت ہے۔ بھارت کی کواڈ تنظیم میں بھی پاکستان کو دہشتگردی سے جوڑنے کی کوشش ناکام ہے، اقوام متحدہ اور دیگر عالمی ادارے بھارت کے یکطرفہ الزامات کے بجائے قانونی شواہد اور بین الاقوامی ضوابط پر انحصار کرتے ہیں۔ عالمی برادری کی غیر جانبداری اور پاکستان کا نام نہ لینا، پاکستان کی متوازن خارجہ پالیسی کی کامیابی کی عکاسی ہے۔ پہلگام حملے پر عالمی ردعمل اس حقیقت کو واضح کرتا ہے کہ پاکستان اب ایک ذمہ دار ریاست کے طور پر تسلیم کیا جا چکا ہے۔