پاک فضائیہ نے معرکہ حق میں اپنی مہارت سے دنیا کو حیران کیا، صدر مملکت

یومِ فضائیہ کے موقع پر اپنے پیغام میں صدر مملکت آصف علی زرداری نے کہا کہ پاک فضائیہ نے ’آپریشن بنیان المرصوص‘ میں فیصلہ کن کردار ادا کرتے ہوئے معرکۂ حق کو کامیابی سے ہمکنار کیا۔ صدر آصف زرداری نے کہا کہ 1965 کی جنگ میں پاک فضائیہ نے بہادری اور شجاعت کی وہ تاریخ رقم کی جو آج بھی… فضائیہ کے شاہینوں نے ہمیشہ اپنی پیشہ ورانہ مہارت اور جرات کا لوہا منوایا، اور دشمن کو ہر محاذ پر ناکام بنایا۔ انہوں نے مزید کہا کہ قوم اپنے شہداء اور غازیوں کو سلام پیش کرتی ہے، اور ہمیں اپنے فضائی جوانوں کی صلاحیتوں پر فخر ہے جنہوں نے اپنی شاندار کارکردگی سے دنیا کو حیران کر دیا۔ صدر مملکت نے مزید کہا کہ پاک فضائیہ کی جدید صلاحیتیں قومی دفاع کی ضمانت ہیں، پاک فضائیہ نے ملک کی فضائی حدود اور سالمیت کا ہمیشہ بھرپور دفاع کیا۔