صدرمملکت کا جے-10 سی فائٹرجیٹ بنانیوالی ایوی ایشن انڈسٹری کارپوریشن کا دورہ

صدر آصف علی زرداری نے چین کے ایوی ایشن انڈسٹری کارپوریشن کے ائیرکرافٹ کمپلیکس کا دورہ کیا۔ اعلامیے کے مطابق صدر مملکت مسلح افواج کے سپریم کمانڈر کی حیثیت سے کمپلیکس پہنچے۔ ائیرکرافٹ کمپلیکس میں جے 10 سی طیارے تیار کیے جاتے ہیں اور جے 10 سی نے حالیہ معرکۂ حق میں کلیدی کردار ادا کیا، صدر مملکت نے کمپلیکس… صدر آصف علی زرداری نے کمپلیکس میں انجینئرز اور سائنسدانوں سے ملاقات کی اور صدر کو جے 10، جے ایف 17 اور جے 20 اسٹیلتھ فائٹرز، ڈرونز، خودکار یونٹس اور ملٹی ڈومین آپریشنز پر بریفنگ دی گئی۔ صدر مملکت کا کہنا تھاکہ جے 10 اور جے ایف17 نے پاک فضائیہ کو مضبوط بنایا، مئی 2025 کے معرکۂ حق اورآپریشن بنیان مرصوص میں ان طیاروں کی کارکردگی شاندار رہی۔ صدرمملکت نے اے وی آئی سی کوچین کی ٹیکنالوجی اور پاک چین اسٹریٹجک شراکت داری کی علامت قرار دیا۔ اعلامیے کے مطابق صدر زرداری پہلے غیرملکی سربراہ ہیں جنہوں نے اس کمپلیکس کا دورہ کیا، بلاول بھٹو، خاتون اول آصفہ بھٹو اور سینیٹرسلیم مانڈوی والا بھی صدر کے ہمراہ تھے۔ اعلامیے میں کہا گیا ہے کہ پاکستان چین کے ساتھ دفاعی پیداوار اور ہوا بازی میں تعاون بڑھانے کا عزم رکھتا ہے۔