انسداد دہشت گردی عدالت نے عمر ایوب کو اشتہاری قرار دے دیا

انسدادِ دہشتگردی عدالت اسلام آباد نے پی ٹی آئی رہنما عمر ایوب کو 4 اکتوبر احتجاج کیس میں مسلسل عدم پیشی پر اشتہاری قرار دے دیا۔ جج طاہر عباس سپرا نے سماعت کے دوران عمر ایوب کا پاسپورٹ اور شناختی کارڈ بلاک کرنے کا حکم جاری کرتے ہوئے ان کی جائیداد کی تفصیلات بھی طلب کرلی ہیں۔ واضح رہے کہ عمر ایوب کے خلاف تھانہ نون میں دہشتگردی کی دفعات کے تحت مقدمہ درج ہے۔