پاکستان ٹیم مینجمنٹ نے سڈنی ٹیسٹ میں بائیں ہاتھ کے سلامی بلے باز امام الحق کو ڈراپ کرنے کا اصولی فیصلہ کرلیا۔ 28 سالہ اوپنر امام الحق سابق چیف سلیکٹر انضمام الحق کے بھتیجے ہیں، 24 ٹیسٹ میں امام الحق نے 37.33کی اوسط سے 1568رنز بنائے جس میں ان کی3 سنچریاں اور 9 نصف سنچریاں شامل ہیں۔ امام الحق نے پرتھ ٹیسٹ کی پہلی اننگز میں 62 اور دوسری اننگز میں 10رنز اسکور کیے، آسڑیلیا کے خلاف بائیں ہاتھ کے بیٹر نے میلبرن کے دوسرے ٹیسٹ میں 10اور 12رنز کی اننگز کھیلیں۔ امام الحق آسڑیلیا میں جاری بینو قادر ٹرافی کے دو ٹیسٹ میں ایک نصف سنچری کیساتھ 94 رنز اسکور کر چکے ہیں البتہ ٹیم مینجمنٹ کو بائیں ہاتھ کے اوپنر کے کھیلنے کے طریقہ کار پر شدید تحفظات ہیں، امام الحق نے سیریز میں اب تک 301گیندیں کھیل رکھی ہیں جو کسی بھی پاکستانی بیٹر میں سب سے زیادہ ہیں، دوسرے نمبر پر ان کیساتھ اننگز کا آغاز کرنے والے عبداللہ شفیق ہیں جنھوں نے 249گیندوں پر 110رنز اسکور کیے ہیں۔ امام الحق نے میلبرن ٹیسٹ کی دوسری اننگز میں 38گیندوں پر 12رنز بنائے، اس سے پہلے پرتھ ٹیسٹ کی پہلی اننگز میں پاکستانی اننگز کے ٹاپ اسکورر امام الحق نے 199گیندوں پر 62 رنز بنائے تھے، میلبرن ٹیسٹ کی دوسری اننگز میں امام الحق نے اپنا پہلا رن 18ویں گیند پر بنایا تھا۔ ٹیم مینجمنٹ نے سڈنی ٹیسٹ میں امام الحق کی جگہ جارح مزاج نوجوان بیٹر صائم ایوب کو ڈیبیو کروانے کا فیصلہ کیا ہے، تیسرے ٹیسٹ صائم ایوب عبداللہ شفیق کے ساتھ اننگز کا آغاز کریں گے۔
اہم خبریں
مزید پڑھیں
Load/Hide Comments
Recent Posts
ہمارا فیس بک پیج
خصوصی فیچرز
Archives
- May 2024
- April 2024
- March 2024
- February 2024
- January 2024
- December 2023
- November 2023
- October 2023
- September 2023
- August 2023
- July 2023
- June 2023
- May 2023
- April 2023
- March 2023
- February 2023
- January 2023
- December 2022
- November 2022
- October 2022
- September 2022
- August 2022
- November 2016
- May 2016
- November 2015
- June 2015