قومی ٹیم کے ڈائریکٹر محمد حفیظ نے سڈنی میں آسٹریلیا کے خلاف قومی ٹیم کی مسلسل 17ویں شکست کے بعد کہا ہے کہ آسٹریلیا میں بہتر کرکٹ کھیلی مگر اپنی غلطیوں کی وجہ سے ہارے، شاہین شاہ آفریدی کو ٹی ٹوئنٹی کرکٹ کی وجہ سے آرام نہیں دیا ان کی باڈی تھکاوٹ کا شکار ہے اور نہیں چاہتے کہ مزید… یاد رہے کہ آج سڈنی میں کھیلا گیا آخری ٹیسٹ میچ میزبان ٹیم نے 8 وکٹوں سے اپنے نام کیا تھا، جبکہ پرتھ ٹیسٹ میں آسٹریلیا 360 اور میلرن ٹیسٹ میں 70 رنز سے کامیابی اپنے نام کی تھی جس کے نتیجے میں قومی ٹیم کو آسٹریلیا میں لگاتار 17ویں ٹیسٹ میچ میں شکست کا سامنا کرنا پڑا۔ سڈنی میں پریس کانفرنس کرتے ہوئے انہوں نے کہا کہ ٹیسٹ سیریز میں شکست کے بعد کئی سبق سیکھے، کپتان شان مسعود نے ٹھیک وقت میں صحیح فیصلے کیے، محمد حفیظ نے عامر جمال کی تعریف کرتے ہوئے کہا کہ انہوں نے اس سیریز میں بہترین کرکٹ کھیلی، وہ موقع کی تلاش میں تھے اور انہوں نے فائدہ بھی فائدہ بھی اٹھایا، ہمیں اس پر فخر ہے۔ محمد حفیظ نے کہا کہ جن ڈومیسٹک کھلاڑیوں کو سیریز میں موقع دیا انہوں نے بہترین کارکردگی کا مظاہرہ کیا، میر حمزہ، خرم شہزاد، عامر جمال سسٹم میں موجود تھے لیکن بدقسمتی سے انہیں موقع نہیں دیا گیا۔ آسٹریلیا سے مسلسل 17ویں شکست کے باوجود محمد حفیظ نے کہا کہ وہ ذاتی طور پر سمجھتے ہیں کہ دورۂ آسٹریلیا میں پاکستان ٹیم نے اچھی کرکٹ کھیلی، کچھ ایسے لمحات تھے جس سے ٹیم فوری فائدہ نہ اٹھا سکی۔ انہوں نے کہا کہ میلبرن میں کیچز ڈراپ مہنگا ثابت ہوا، اگر یہ کیچز ڈراپ نہ ہوتے تو کہانی مختلف ہوتی، محمد حفیظ نے قومی ٹیم کی ایک اور غلطی کی نشاندہی کرتے ہوئے کہا کہ جب دوسری اننگز میں عامر جمال نے 6 وکٹیں لیں وہ موقع پاکستان نے ضائع کردیا، اس وقت قومی ٹیم کو آسٹریلیا کو چیلنج کرسکتی تھی۔ محمد حفیظ نے کہا کہ بابر اعظم کو آرام دینے سے پہلے سوچنا ہوگا کہ بابر خود کیا چاہتے ہیں، اگر انہیں لگتا ہے ہم ان کو کسی جگہ مدد دے سکتے ہیں تو ہم موجود ہیں۔ محمد حفیظ نے کہا کہ بابر اعظم محنتی ہیں، وہ بھرپور ٹریننگ کرتے ہیں،انہیں ایک بڑی اننگز کی ضرورت ہے جو ان کا اعتماد بحال کردے گی، ریڈ بال کرکٹ کھیلنے والا سارے فارمیٹ کھیل سکتا ہے۔ انہوں نے کہا کہ شاہین آفریدی نے مجھ سے بات کی اور آرام مانگا، شاہین آفریدی کو ورک لوڈ کی وجہ سے آرام دیا، ہم نہیں چاہتے تھے کہ وہ ورک لوڈ کی وجہ سے کسی بھی انجری کا شکار ہو جائیں، یہ نہیں چاہتے کہ ورک لوڈ کی وجہ سے کسی کا کیریئر خراب ہوجائے، یہ تاثر غلط ہے کہ ٹی ٹوئنٹی سیریز کی وجہ سے شاہین کو آرام دیا گیا۔ محمد حفیظ نے کہا کہ نسیم شاہ انجری کا شکار ہیں، ایسا نہیں کہ وہ نہیں تو ٹیم نہیں چلے گی، ان کی جگہ عامر جمال آگئے۔ محمد حفیظ نے کہا کہ آئی سی سی کو ٹیسٹ کرکٹ کے لیے ایک تجویز دوں گا، تمام بورڈز کے لیے اسٹینڈرڈ ٹیسٹ فیس لے کر آئے تاکہ تمام ٹیسٹ کھیلنے والے کھلاڑیوں کو فیس برابر ملے چاہے وہ کھلاڑی آسٹریلیا کا ہو یا کسی دوسرے ملک کا ایک اسٹینڈرڈ ٹیسٹ فیس ہونی چاہیے۔
اہم خبریں
مزید پڑھیں
Load/Hide Comments
Recent Posts
- موسم گرما کی تعطیلات سے قبل اسکولوں کے اوقات کار تبدیل
- کراچی میں سی ٹی ڈی اور وفاق کی مشترکہ کارروائی، کالعدم تنظیم کا دہشتگرد گرفتار
- پاکستان چین سے 15 ارب ڈالر قرض ادائیگی کیلئے 5 سال توسیع کا خواہاں
- اسلام آباد کے شہریوں کیلئے اچھی خبر، روٹی اور نان کے نئے ریٹس آگئے
- آئی او ایس اپ ڈیٹ، آئی فون صارفین نئی مشکل میں پھنس گئے
ہمارا فیس بک پیج
خصوصی فیچرز
Archives
- May 2024
- April 2024
- March 2024
- February 2024
- January 2024
- December 2023
- November 2023
- October 2023
- September 2023
- August 2023
- July 2023
- June 2023
- May 2023
- April 2023
- March 2023
- February 2023
- January 2023
- December 2022
- November 2022
- October 2022
- September 2022
- August 2022
- November 2016
- May 2016
- November 2015
- June 2015