آرمی چیف جنرل عاصم منیر نے متحدہ عرب امارات کے صدر شیخ محمد بن زاید آلنہیان سے ملاقات کی اور ان کے بھائی شیخ سعید بن زاید آلنہیان کی وفات پر تعزیت کی۔ اسلام آباد میں قائم متحدہ عرب امارات کے سفارت خانے کے مطابق چیف آف آرمی اسٹاف جنرل عاصم منیر نے صدرِ متحدہ عرب امارات محمد بن زاید آلنہیان سے ملاقات کی۔ ملاقات کے دوران چیف آف آرمی اسٹاف جنرل عاصم منیر نے یو اے ای کے صدر کے بھائی شیخ سعید بن زاید آلنہیان کی وفات پر تعزیت کی اور مرحوم کے درجات کی بلندی کے لیے دعائے مغفرت کی۔ یاد رہے کہ متحدہ عرب امارات کے صدر شیخ محمد بن زاید آلنہیان کے بھائی شیخ سعید بن زاید آلنہیان مختصر علالت کے بعد انتقال کرگئے تھے۔ صاحب السمو الشيخ محمد بن زايد آل نهيان، رئيس الدولة “حفظه الله ورعاه” يستقبل الفريق أول عاصم منير قائد الجيش الباكستاني، الذي قدم التعازي في وفاة المغفور له بإذن الله تعالى الشيخ سعيد بن زايد آل نهيان “رحمه الله” pic.twitter.com/5PIE7L7M8k — UAE Embassy PK (@uaeembassyisb) July 30, 2023 دوسری جانب وزیر خارجہ بلاول بھٹو زرداری بھی آج متحدہ عرب امارات کے سرکاری دورے پر ہیں۔ وزیر خارجہ امارات کے صدر شیخ محمد بن زاید کے بھائی کے انتقال پر تعزیت کریں گے۔
