پاک جنوبی افریقہ سیریز کیلئے وینیوز فائنل کر لیے گئے

پاکستان اور جنوبی افریقہ کے درمیان سیریز کے وینیوز کا اعلان کر دیا گیا۔ ذرائع کے مطابق سیریز کے میچز لاہور، راولپنڈی اور فیصل آباد میں کھیلے جائیں گے۔ اس سلسلے میں کرکٹ ساؤتھ افریقا کی ریکی ٹیم نے تینوں وینیوز کا دورہ بھی کیا تھا۔ اطلاعات کے مطابق فیصل آباد میں وائٹ بال میچز ہوں گے، جہاں 2008 کے بعد پہلی بار انٹرنیشنل کرکٹ کا انعقاد کیا جائے گا۔ جنوبی افریقا کا ٹیسٹ اسکواڈ اکتوبر کے پہلے ہفتے میں لاہور پہنچے گا۔ دونوں ٹیموں کے درمیان پہلا ٹیسٹ 12 اکتوبر سے لاہور میں شروع ہوگا جبکہ دوسرا ٹیسٹ راولپنڈی میں کھیلا جائے گا۔ ذرائع کا کہنا ہے کہ پاکستان اور جنوبی افریقا کے درمیان سیریز کے شیڈول کا باضابطہ اعلان جلد متوقع ہے۔