سلمان علی آغا نے سہ ملکی سیریز جیت کر سیلاب متاثرین کے نام کر دی

پاکستان کرکٹ ٹیم کے کپتان سلمان علی آغا نے تین ملکی کرکٹ سیریز کی جیت سیلاب متاثرین کے نام کر دی۔ سلمان آغا اور شاہین شاہ آفریدی نے اعلان کیا ہے کہ وہ سیریز کے تمام میچوں کی فیس فلڈ ریلیف فنڈ میں جمع کرائیں گے۔ کپتان سلمان علی آغا کا کہنا ہے کہ مشکل کی اس گھڑی میں ہم اپنے متاثرہ بہن بھائیوں کے ساتھ کھڑے ہیں، اور پوری قوم کو چاہیے کہ ایک ہو کر سیلاب متاثرین کی مدد کرے۔ شاہین شاہ آفریدی نے اس موقع پر کہاکہ وطن کی مٹی آج ہم سے سیلاب زدگان کی مدد کا تقاضا کر رہی ہے،قوم سے اپیل ہے کہ وہ فلڈ ریلیف فنڈ میں بڑھ چڑھ کر حصہ لے۔