نگراں وزیراعلیٰ خیبرپختون خوا اعظم خان کے انتقال کے بعد صوبائی کابینہ بھی تحلیل ہوگئی اور تمام انتظامی اختیارات گورنر کے پاس چلے گئے۔ نئے وزیراعلیٰ کی تعیناتی تک تمام اختیارات گورنر کے پاس ہوں گے۔ سابق سیکرٹری الیکشن کمیشن کنور دلشاد کی جانب سے بیان میں کہا گیا ہے کہ نگراں وزیراعلیٰ خیبرپختونخوا اعظم خان کے انتقال کے بعد صوبائی کابینہ تحلیل ہوگئی ہے، نئے وزیراعلیٰ کی تعیناتی تک تمام اختیارات گورنر کےپاس ہوں گے۔ نئے وزیراعلیٰ کا فیصلہ سینیٹ کرے گی، سابق سیکرٹری الیکشن کمیشن لیڈرآف دی ہاؤس اور اپوزیشن لیڈر نئےوزیراعلیٰ کے نام پر مشاورت کریں، دونوں کے درمیان اتفاق رائے نہ ہونے پرمعاملہ الیکشن کمیشن میں جائے گا۔ یاد رہے محمد اعظم خان نے اکیس جنوری کو نگران وزیراعلیٰ کا حلف اٹھایا تھا، ان کا نام اپوزیشن کی جانب سے پیش کیا گیا تھا۔ ضلع چارسدہ سے تعلق رکھنے والے اعظم خان ایک ریٹائرڈ بیوروکریٹ تھے جبکہ ماضی میں اعظم خان صوبائی وزیر خزانہ، وفاقی سیکرٹری وزارت پیٹرولیم و قدرتی وسائل اور وفاقی سیکرٹری مذہبی امور کے فرائض بھی انجام دیتے رہے ہیں۔ اعظم خان کا تعلق چارسدہ کے علاقے پڑانگ سے تھا، انھوں نے پشاور یونیورسٹی سے قانون کی تعلیم حاصل کی۔ یہ بھی پڑھیں: نگران وزیراعلیٰ خیبرپختونخوا اعظم خان انتقال کر گئے خیبرپختون خوا کے نگراں وزیرِ اعلیٰ محمد اعظم خان انتقال کر گئے ہیں، انھیں گذشتہ روز خرابی صحت پراسپتال منتقل کیا گیاتھا۔اسپتال کی انتظامیہ کے مطابق محمد اعظم خان کو گذشتہ شب دل کا دورہ پڑنے پر اسپتال لایا گیا تھا۔
اہم خبریں
مزید پڑھیں
Load/Hide Comments
ہمارا فیس بک پیج
خصوصی فیچرز
Archives
- May 2024
- April 2024
- March 2024
- February 2024
- January 2024
- December 2023
- November 2023
- October 2023
- September 2023
- August 2023
- July 2023
- June 2023
- May 2023
- April 2023
- March 2023
- February 2023
- January 2023
- December 2022
- November 2022
- October 2022
- September 2022
- August 2022
- November 2016
- May 2016
- November 2015
- June 2015