ملک کے دیگر صوبوں کی طرح خیبر پختونخوا میں بھی عام انتخابات کی تیاریاں مکمل کرلی گئی ہیں، صوبائی الیکشن کمشنر کے مطابق صوبے بھر میں 4178 انتہائی حساس جبکہ 5925 حساس قرار دیے گئے پولنگ اسٹیشنز پر پولیس اور فوج کے اہلکار تعینات کیے جائیں گے۔ انتخابی تیاریوں کے حوالے سے پشاور میں میڈیا بریفنگ دیتے ہوئے صوبائی الیکشن کمشنر شمشاد خان نے بتایا کہ 8 فروری کو ہونے والے عام انتخابات کے لیے تمام تر تیاریاں مکمل کرلی گئی ہیں، خیبرپختونخوا میں 15 ہزار696 پولنگ اسٹیشنز بنائے گئے ہیں، جہاں مجموعی طور پر 2 کروڑ 19 لاکھ 28 ہزار سے افراداپنا حق رائے دہی استعمال کرسکیں گے۔ صوبائی الیکشن کمشنر کے مطابق صوبے میں مجموعی طور پر رجسٹرڈ مرد ووٹرز کی تعداد 1,19،44383 اور خواتین ووٹرز کی تعداد 8373799 ہے، مرد ووٹرز کے لیے 4810، خواتین کے لیے 4287 جبکہ 6600 پولنگ اسٹیشنز مشترکہ طور پر بنائے گئے ہیں۔ شمشاد خان نے میڈیا کو بتایا کہ ایک لاکھ 81 ہزار سے زائد پولنگ عملے کی تعیناتی اور تربیت کا عمل بھی مکمل کرلیا گیا ہے، پولنگ مکمل ہونے پر فارم 45پر پریزائڈنگ آفیسر نتائج جاری کریں گے، ای ایم ایس آن لائن اور آف لائن دونوں طرح سے کام کرے گا۔ انہوں نے مزید کہا کہ قومی اسمبلی کی نشستوں کے لیے 713 امیدوار اور صوبائی اسمبلی کی نشستوں پر 1814 امیدوار اس انتخابی معرکے میں شامل ہیں، الیکشن کے لیے 4کروڑ 54لاکھ 40ہزار بیلٹ پیپرز چھاپےگئے ہیں، پولنگ کے دوران سیکیورٹی کے لیے پولیس، فرنٹیئر کانسٹیبلری اور پاک فوج تعینات کی جائے گی۔ صوبائی الیکشن کمشنر شمشاد خان کے مطابق الیکشن مہم آج رات ختم ہو جائے گی، انہوں نے ملک کی تقدیر بدلنے کے لیے 8 فروری کوووٹ دینے کے لیےعوام سے اپنے گھروں سے نکلنے کی اپیل بھی کی ہے، ان کے مطابق برف باری والے علاقوں میں بھی حکمت عملی تیار کی گئی ہے۔ انہوں نے مزید کہا کہ صوبائی الیکشن کمیشن نے قیوم اسٹیدیم، عیدگاہ اور آر او آفس کوہاٹ روڈ میں پشاور کے نتائج کے لیے انتظام کیا گیا ہے، ہر ضلع میں بھی اسی طرح کے مراکز قائم کیے گئے ہیں، انتہائی حساس قرار دیے گئے 4178 اور 5925 حساس پولنگ اسٹیشن میں پولیس اور فوج کو تعینات کیا جائے گا۔
اہم خبریں
مزید پڑھیں
Load/Hide Comments
Recent Posts
- ویوو کا 200 میگا پکسل کیمرے والا فون متعارف
- اگر ابھی تک گوگل کروم کو اپ ڈیٹ نہیں کیا ہے تو فوری طور پر کرلیں
- کون خوش نصیب بن گئے آئی سی سی پلیئر آف دی منتھ؟
- نامور اداکارہ خوفناک کار حادثے میں ہلاک، شوبز انڈسٹری میں سوگ
- اب موبائل پر کال کرنا ہو گیا مشکل، 100روپے کے بیلنس میں سے 90 روپے ٹیکس کٹوتی ہوگی
ہمارا فیس بک پیج
خصوصی فیچرز
Archives
- May 2024
- April 2024
- March 2024
- February 2024
- January 2024
- December 2023
- November 2023
- October 2023
- September 2023
- August 2023
- July 2023
- June 2023
- May 2023
- April 2023
- March 2023
- February 2023
- January 2023
- December 2022
- November 2022
- October 2022
- September 2022
- August 2022
- November 2016
- May 2016
- November 2015
- June 2015