لیجنڈز کرکٹ لیگ فکسنگ اسکینڈل کی زد میں آگئی۔ لیجنڈز کرکٹ لیگ میں انگلینڈ،آسٹریلیا، بھارت، پاکستان،نیوزی لینڈ اور ویسٹ انڈیز سے ٹیموں نے شرکت کی تھی، مقابلے رواں سال 8سے19مارچ تک پالے کیلی انٹرنیشنل اسٹیڈیم میں ہوئے،سری لنکن بورڈ کا اس ایونٹ میں عمل دخل نہیں تھا مگر وینیوز فراہم کیے۔ نیوزی لینڈ کے کرکٹر نیل بروم اور سری لنکن اپل تھارنگا نے الزام عائد کیا ہے کہ ٹیم منیجر پونی پٹیل نے خراب کارکردگی دکھانے اور میچ فکسنگ کیلیے ان کو رقم کی پیشکش کی تھی، نیل بروم پنجاب رائلز اور اپل تھارنگا کینڈی سیمپ آرمی ٹیم کی نمائندگی کررہے تھے، ان الزامات پر تحقیقات کا فوری طور پر آغاز کردیا گیا تھا۔ اٹارنی جنرل نے کولمبو ہائیکورٹ میں بتایا کہ ملوث آفیشلز کیخلاف کارروائی شروع کردی گئی ہے، عدالت نے یونی پٹیل کے سری لنکا سے باہر جانے پر پابندی عائد کردی، ایک اور ٹیم کے منیجر پی آکاش بھی شکوک کی زد میں ہیں، ان کو بھی تحقیقات مکمل ہونے تک ملک چھوڑنے کی اجازت نہیں ہوگی۔ یاد رہے کہ لیجنڈز کرکٹ لیگ میں سابق اسٹارز کی بڑی تعداد شریک ہوئی تھی،اسکینڈل سامنے آنے کے بعد سوالات اٹھائے جا رہے ہیں کہ کیا اس نجی ایونٹ کا مقصد فکسنگ سے بھاری کمانا تو نہیں تھا، اگرالزامات درست ثابت ہوگئے تو لیگ کا مستقبل بھی دائو پر لگ جائے گا۔
اہم خبریں
مزید پڑھیں
Load/Hide Comments
ہمارا فیس بک پیج
خصوصی فیچرز
Archives
- May 2024
- April 2024
- March 2024
- February 2024
- January 2024
- December 2023
- November 2023
- October 2023
- September 2023
- August 2023
- July 2023
- June 2023
- May 2023
- April 2023
- March 2023
- February 2023
- January 2023
- December 2022
- November 2022
- October 2022
- September 2022
- August 2022
- November 2016
- May 2016
- November 2015
- June 2015