ایلون مسک نے سوشل میڈیا پلیٹ فارم ایکس (ٹوئٹر کا نیا نام) کے سبسکرپشن پروگرام کے حوالے سے نئی تبدیلیوں کا اعلان کیا ہے۔ ان تبدیلیوں سے مخصوص اکاؤنٹس ماہانہ فیس ادا کیے بغیر ہی پریمیئم فیچرز کو مفت استعمال کر سکیں گے اور ممکنہ طور پر انہیں بلیو ٹک استعمال کرنے کا موقع بھی ملے گا۔ ایکس پر ایک پوسٹ کرتے ہوئے ایلون مسک نے بتایا کہ ان تمام ایکس اکاؤنٹس کو پریمیئم فیچرز تک مفت رسائی ہوگی جن کو ڈھائی ہزار سے زائد ویریفائیڈ اکاؤنٹس فالو کر رہے ہوں گے۔ اسی طرح 5 ہزار ویریفائیڈ فالوورز والے اکاؤنٹس کو پریمیئم پلس کے فیچرز تک مفت رسائی دی جائے گی۔ واضح رہے کہ ایکس پریمئیم کی سبسکرپشن کی ماہانہ فیس 2250 روپے ہے جس کے صارفین کو متعدد خصوصی فیچرز جیسے ایڈٹ پوسٹس، طویل پوسٹس اور ویڈیو، ان ڈو (undo) پوسٹنگ، بیک گراؤنڈ ویڈیو پلے بیک، ویڈیو ڈاؤن لوڈ اور دیگر تک رسائی ملتی ہے۔ ان کو اشتہارات بھی 50 فیصد کم دکھائے جاتے ہیں، اکاؤنٹ پر بلیو ٹک موجود ہوتا ہے جبکہ وہ اپنی پوسٹس سے پیسے بھی کما سکتے ہیں۔ پریمیئم پلس کے صارفین کو اشتہارات بالکل دکھائے نہیں جاتے جبکہ انہیں آرٹی فیشل انٹیلی جنس (اے آئی) چیٹ بوٹ Grok تک رسائی بھی حاصل ہوتی ہے۔ خیال رہے کہ ایلون مسک نے اس سوشل میڈیا پلیٹ فارم کو خریدنے کے بعد نومبر 2022 کے شروع میں ٹوئٹر بلیو سروس کے نام سے سبسکرپشن پروگرام کو متعارف کرایا تھا مگر سبسکرپشن پلان متعارف کرانے کے بعد معروف شخصیات اور اداروں کے ناموں کے جعلی مصدقہ اکاؤنٹس کی بھرمار ہوگئی تھی جس کے بعد اسے معطل کردیا گیا۔ بعد ازاں 12 دسمبر 2022 کو اسے کچھ تبدیلیوں کے ساتھ دوبارہ محدود خطوں میں پیش کیا گیا۔ اس پروگرام کو مارچ 2023 میں دنیا بھر میں صارفین کے لیے متعارف کرایا گیا جبکہ اکتوبر 2023 میں اسے 3 کیٹیگریز میں تقسیم کر دیا گیا، مگر اب بھی اس کا حصہ بننے والوں کی تعداد بہت زیادہ نہیں۔
اہم خبریں
ہمارا فیس بک پیج
خصوصی فیچرز
Archives
- April 2024
- March 2024
- February 2024
- January 2024
- December 2023
- November 2023
- October 2023
- September 2023
- August 2023
- July 2023
- June 2023
- May 2023
- April 2023
- March 2023
- February 2023
- January 2023
- December 2022
- November 2022
- October 2022
- September 2022
- August 2022
- November 2016
- May 2016
- November 2015
- June 2015