آلو کے چپس نہ صرف چھوٹے بلکہ بڑے بھی شوق سے کھاتے ہیں، اور دنیا بھر میں پسند کیے جاتے ہیں، آلو کے چپس دو طرح سے تیار کیے جاتے ہیں ان میں ایک تو عام طریقہ فرائی کا ہے اور دوسرا بیکڈ کا ہے۔ آلو ایک نشاستہ دار سبزی ہے جس میں کئی صحت بخش اجزا پائے جاتے ہیں، یہ وٹامنز، منرلز اور فائبر کا ایک بہترین ذریعہ ہے، بھارت سے تعلق رکھنے والے ایک رجسٹرڈ غذائی ماہر گیبی میک فرسن نے نے بیکڈ اور تلے ہوئے چپس کے درمیان فرق کا جائزہ لیا ہے جس کے نتائج حیران کن ہیں۔ ماہر غذائیت نے دونوں طرح کے چپس کی ایک جیسی مقدار میں موجود غذائی مواد کا تجزیہ کیا تاکہ یہ معلوم کیا جا سکے کہ آیا کم چکنائی والے چپس زیادہ صحت مند ہیں یا نہیں۔ واضح رہے کہ بیکڈ چپس حالیہ برسوں میں خاصی مقبولیت حاصل کر رہے ہیں اور اسے تلے ہوئے چپس کا ایک صحت مند متبادل کہا جا رہا ہے۔ میک فرسن کے مطابق تلے ہوئے چپس کے ایک عام پیکٹ میں 149 کیلوریز، 10 گرام کل چکنائی اور 1 گرام سیچوریٹڈ چکنائی ہوتی ہے۔ اس کے مقابلے میں بیکڈ چپس میں 131 کیلوریز، 5 گرام چکنائی اور 0.7 گرام سیچوریٹڈ چکنائی ہوتی ہے۔ جائزے سے معلوم ہوا کہ بیکڈ چپس میں عام چپس کے مقابلے میں مجموعی طور پر کم چکنائی موجود ہوتی ہے اور یہ صرف کیلوریز میں قدرے کم ہوتے ہیں، تاہم بیکڈ چپس میں عام طور پر تلے ہوئے چپس کے مقابلے میں 25 فی صد زیادہ کاربوہائیڈریٹ بھی ہوتے ہیں۔ دراصل ذائقہ اور اس کی ساخت کو بہتر بنانے کے لیے بیکڈ چپس میں مزید نشاستہ اور شکر شامل کی جاتی ہے جو کاربوہائیڈریٹ میں اضافے کا سبب بنتی ہے، اس کے برعکس تلے ہوئے چپس میں وٹامنز اور معدنیات موجود ہوتے ہیں جو بیکڈ چپس میں نہیں ہوتے۔ میک فرسن نے جائزے کے بعد کہا کہ نتائج تجویز کرتے ہیں کہ بیکڈ چپس عام چپس سے زیادہ صحت مند نہیں ہے، اس لیے دونوں طرح کے چپس کم مقدار میں کھائے جائیں۔ کیوں کہ بہت زیادہ آلو کو غذا میں شامل رکھنا، خاص طور پر ڈیپ فرائیڈ یا چکنائی اور نمک کے ساتھ کھانا بلڈ شوگر اور بلڈ پریشر میں اضافے کا سبب بن سکتا ہے۔
اہم خبریں
مزید پڑھیں
Load/Hide Comments
Recent Posts
- کوانٹم کمپیوٹر کوغلطیوں سے پاک بنانے کے لیے خالص سیلیکون بنا لیا
- محمد عامر کو آئرلینڈ کے ویزے کی منظوری دیدی گئی، جلد روانگی کا امکان
- کورونا ویکسین ایسٹرازینیکا سے خطرناک بیماری ہونے کا انکشاف
- رکشے اب امریکا کی سڑکوں پر بھی دوڑنے لگے
- عامر لیاقت کی تیسری بیوی دانیہ شاہ کے متعلق بشریٰ اقبال کے سنسنی خیز انکشافات
ہمارا فیس بک پیج
خصوصی فیچرز
Archives
- May 2024
- April 2024
- March 2024
- February 2024
- January 2024
- December 2023
- November 2023
- October 2023
- September 2023
- August 2023
- July 2023
- June 2023
- May 2023
- April 2023
- March 2023
- February 2023
- January 2023
- December 2022
- November 2022
- October 2022
- September 2022
- August 2022
- November 2016
- May 2016
- November 2015
- June 2015