چکوال میں آئین پاکستان کے آرٹیکل 20 مذہبی آزادی کے حقوق کی پامالی

(سید طلعت شاہ)
محرم الحرام سے قبل ہی تلہ گنگ، چکوال میں پولیس کا فرقہ ورانہ رویہ اور آئین و قانون کی خلاف ورزی کا آغاز ہوگیا.
تھانہ صدر تلہ گنگ کے علاقے موضع پیڑہ جانگلہ میں شیعہ مسجد کی چار دیواری میں مجلس عزا منعقد کرنے پر پولیس نے متعصبانہ رویہ کا مظاہرہ کرتے ہوئے اور آئین کے آرٹیکل 20 کی صریح خلاف ورزی کرتے ہوئے مومنین پر خلاف قانون مقدمہ درج کر دیا.
آئیں کا آرٹیکل 20 تمام شہریوں کو انکی عبادت گاہوں میں آذادی سے مذہبی عبادت کرنے کا حق فراہم کرتا ہے جب کہ تلہ گنگ پولیس نے آئین و قانون کو نہ صرف پامال کیا بلکہ فرقہ ورانہ اور متعصبانہ رویہ اختیار کیا جسکی جتنی مذمت کی جائے کم ہے۔
اگر کوئی مذہب یا فرقہ اپنی عبادت گاہ میں بھی اپنی رسومات ادا نہیں کرسکتا تو یہ پولیس کیطرف سے انسانی حقوق کی سنگین ترین خلاف ورزی ہے۔

اپنا تبصرہ بھیجیں