گوگل پراربوں ڈالر کا جرمانہ، ٹرمپ نے بڑی دھمکی دے دی

امریکی صدر ڈونلڈ ٹرمپ نے خبردار کیا ہے کہ اگر گوگل پر عائد بھاری جرمانہ واپس نہ لیا گیا تو یورپی یونین کو سخت اقتصادی پابندیوں کا سامنا کرنا پڑ سکتا ہے۔ صدر ٹرمپ نے یورپی یونین کے فیصلے کو غیرمنصفانہ قرار دیتے ہوئے کہا کہ اگر یہ جرمانہ برقرار رہا تو امریکا بھی جوابی تحقیقات شروع کرے گا، جس… ان کا کہنا تھا کہ امریکی کمپنیوں کی شاندار اور بے مثال اختراعات کو یورپی یونین کے غیر ضروری جرمانوں کے بوجھ تلے دبنے نہیں دیں گے۔ اگر یہ سلسلہ جاری رہا تو مجھے سیکشن 301 کے تحت کارروائی کرنا ہوگی تاکہ ان جرمانوں کو کالعدم قرار دیا جا سکے۔ ٹرمپ نے الزام لگایا کہ یورپی یونین ان اقدامات کے ذریعے وہ سرمایہ اور روزگار چھین رہی ہے جو امریکا میں آنا چاہیے۔ واضح رہے کہ یورپی یونین نے گوگل پر ساڑھے تین ارب ڈالر کا اینٹی ٹرسٹ جرمانہ عائد کیا ہے۔