وہ کون سی پانچ عادتیں ہیں جو آپ کی دماغی صحت کو برباد کر دیتی ہیں؟

ہم اکثر انجانے میں ایسی عادتیں اختیار کر لیتے ہیں جو وقت کے ساتھ ہمارے اعصاب کو کمزور کرنے لگتی ہیں۔ نتیجتاً ہم تناؤ، اداسی، تھکن، بے دلی اور تنہائی جیسے مسائل میں مبتلا ہو جاتے ہیں۔ ہمارے خیالات، جذبات اور روزمرہ کی عادتیں براہِ راست اعصابی نظام پر اثر ڈالتی ہیں۔ یہی اعصابی نظام دماغ، یادداشت، مزاج اور جسم کے کئی اہم افعال کو کنٹرول کرتا ہے۔ لیکن اگر نقصان دہ عادتوں کو وقت پر نہ بدلا جائے تو یہ نہ صرف اعصاب بلکہ مجموعی دماغی صحت کو بھی متاثر کر سکتی ہیں۔ مکمل نیند کی کمی اگر آپ مناسب نیند نہیں لیتے تو اس کا منفی اثر براہِ راست دماغ اور جسم دونوں پر پڑتا ہے۔ ماہرین کے مطابق نیند کی کمی یادداشت کو کمزور کرنے کے ساتھ ساتھ مائیگرین اور الزائمر جیسی بیماریوں کے خطرات میں بھی اضافہ کرتی ہے۔ صحت مند رہنے کے لیے روزانہ 7 سے 9 گھنٹے کی نیند لینا ضروری ہے۔ وقت پر سونا، جاگنا اور سونے سے پہلے موبائل یا ٹی وی سے دور رہنا اس میں مددگار ثابت ہوتا ہے۔ زیادہ اسکرین ٹائم آج کے دور میں موبائل فون اور دیگر ڈیوائسز کا حد سے زیادہ استعمال معمول بن چکا ہے۔ اسکرین کے سامنے طویل وقت گزارنے سے دماغی تھکن، توجہ کی کمی اور آنکھوں کے مسائل پیدا ہوسکتے ہیں، جو بالآخر اعصابی صحت پر بھی اثر ڈالتے ہیں۔ موبائل یا لیپ ٹاپ پر زیادہ وقت گزارنا آنکھوں کو نقصان پہنچاتا ہے۔ ضرورت سے زیادہ فون کا استعمال دماغ کو جلدی تھکا دیتا ہے جس سے تناؤ اور اضطراب بڑھ سکتا ہے۔ ماہرین کے مطابق ہر۲۰؍ منٹ بعد۲۰؍ سیکنڈ کے لیے تقریباً ۲۰؍ فٹ دور کسی چیز کو دیکھیں، اس سے آنکھوں اور دماغ دونوں کو سکون ملتا ہے۔ ٹینشن میں رہنا ہر وقت ٹینشن میں رہنے کا دماغ پر بہت اثر پڑتا ہے، یہ آپ کے جسم کے ہارمونل توازن کو بگاڑ سکتا ہے، جس سے نہ صرف نیند خراب ہوتی ہے بلکہ دماغی صحت بھی کمزور ہوتی ہے۔ اس کو کم کرنے کے لیے یوگا، مراقبہ یا ڈائری لکھنے جیسی سادہ عادتیں بہت مددگار ثابت ہو سکتی ہیں۔ تمباکو نوشی تمباکو نوشی صحت کے لیے بہت نقصان دہ ہے، دھوئیں میں موجود نکوٹین دماغ کے اعصاب کو نقصان پہنچاتا ہے اور فالج کا خطرہ بڑھاتا ہے۔ اعصابی نظام کو محفوظ رکھنے کے لیے ضروری ہے کہ سگریٹ نوشی ترک کی جائے اور آلودہ ماحول سے پرہیز کیا جائے۔ پروسیس شدہ کھانا جنک فوڈ کھانا ہماری صحت کے لیے بہت نقصان دہ ہے، جنک اور پروسیس فوڈ کا کثرت سے استعمال اعصاب کو کمزور کر دیتا ہے اور دماغ ٹھیک سے کام نہیں کر پاتا۔ دماغ کو صحت مند رکھنے کے لیے وٹامن بی، اومیگا تھری اور میگنیشیم جیسے غذائی اجزاء ضروری ہیں، اس کے لیے غذا میں ہری سبزیاں، تازہ پھل، میوے اور مچھلی شامل کرنا فائدہ مند ہے۔