نیو یارک میں اسلامو فوبیا کی کوئی جگہ نہیں، ظہران ممدانی کا پہلا پیغام

نیو یارک کے پہلے مسلم میئر ظہران ممدانی نے الیکشن جیتنے کے بعد اپنے پہلے خطاب میں کہا کہ نیو یارک کے انتخابات نے ثابت کر دیا ہے کہ امید ابھی زندہ ہے اور شہر میں اسلامو فوبیا کی کوئی گنجائش نہیں۔ ظہران ممدانی نے خطاب میں کہا کہ آج کا دن خوف کی شکست اور امید کی فتح کا… انہوں نے عوام کا شکریہ ادا کرتے ہوئے کہا کہ نیو یارک کے شہری تبدیلی کے حق میں ووٹ دینے پر شکر گزار ہیں، خاص طور پر ٹیکسی ڈرائیورز، نرسز اور ورکنگ کلاس کا تعاون قابل ستائش ہے۔ مہم میں حصہ لینے والے ایک ہزار سے زائد رضاکاروں کا بھی شکریہ ادا کیا۔ نو منتخب میئر نے مزید کہا کہ مجھے اپنا آپ ثابت کرنے کا موقع دینے کے لیے سب کا شکریہ، ہم آپ کے لیے لڑیں گے کیونکہ ہم آپ میں سے ہیں۔ ہر شہری کو سکیورٹی اور انصاف فراہم کیا جائے گا، اور آپ کی جدوجہد ہماری جدوجہد ہے۔ ظہران ممدانی نے واضح کیا کہ وہ ایک مسلمان اور ڈیموکریٹک سوشلسٹ ہیں اور یکم جنوری 2026 سے ایک ایسی شہری حکومت قائم کریں گے جو سب کے لیے فائدہ مند ہوگی۔ امریکی صدر کو مخاطب کرتے ہوئے ظہران ممدانی کا کہنا تھا ڈونلڈ ٹرمپ مجھے پتا ہے آپ دیکھ رہے ہیں، ڈونلڈ ٹرمپ میں آپ کو 4 جملے کہوں گا، “Turn The Volume Up”۔ انہوں نے کہا کہ ہم مزدوروں کے حقوق کے لیے یونینز کے ساتھ کھڑیں ہوں گے، نیویارک سٹی کو تارکین وطن نے مضبوط کیا ہے، بدعنوانی کے اس کلچر کا خاتمہ کریں گے جس میں ٹرمپ جیسے ارب پتی ٹیکس سے بچتے ہیں۔