دنیا بھر میں تیزی سے پھیلنے والا مرض ’کینسر‘ ہر سال لاکھوں اموات کا باعث بنتا ہے لیکن کیا آپ کو معلوم ہے کہ 70 سے 80 فیصد افراد کینسر کا خطرہ ظاہر کرنے والی چند اہم علامات کو نظرانداز کر دیتے ہیں؟ کینسر کی متعدد اقسام میں سے 6 کو سب سے زیادہ جان لیوا سمجھا جاتا ہے جن میں پھیپھڑوں، جگر، دماغ، غذائی نالی، لبلبے اور معدے کا کینسر شامل ہے۔ اگر آپ درج ذیل چند اہم علامات کا بغور جائزہ لیں تو جان لیوا کینسر کی بروقت تشخیص کرسکتے ہیں۔ مسلسل بدہضمی اور سینے کی جلننیشنل ہیلتھ سروسز (NHS) کے مطابق بدہضمی کافی عام ہے اور بیشتر افراد اس کا تجربہ عموماً کرتے رہتے ہیں، اکثر اوقات بدہضمی کی شکایت کافی، ٹماٹر یا مسالے دار کھانوں سے بڑھ جاتی ہے تاہم حمل، تمباکو نوشی یا موٹاپے کے باعث بدہضمی کا سامنا کرنا پڑ سکتا ہے۔ ماہرین کے مطابق اگر بدہضمی وقتی ہے تو یہ عام بات ہے لیکن اگر کوئی شخص مسلسل بدہضمی کا شکار ہے تو اسے فوری طور پر اپنا علاج کروانا چایئے، اگر وہ ایسا نہیں کرتا تو نتیجتاً (gastroesophageal ) ریفلکس یا ہرنیا کا شکار ہوسکتا ہے۔ اس کے علاوہ ایسے شخص کو غذائی نالی کا کینسر یا پیٹ کا کینسر کا بھی ہوسکتا ہے۔ اپھارہماہرین کے مطابق اگر آپ کو مسلسل اپھارہ کی شکایت رہتی ہے تو آپ کو آنت، معدہ، لبلبہ اور رحم کا کینسر ہوسکتا ہے۔ مسلسل تھکاوٹاگر آپ کو کوئی تناؤ ہے تو مسلسل تھکاوٹ عام بات ہے لیکن اگر یہ بغیر کسی وجہ کے ہو رہا ہے اور مستقل ہے تو یہ اس بات کی علامت ہے کہ آپ کو خون کا کینسر ہوسکتا ہے۔ منہ کے چھالےمنہ میں اگر چھوٹے زخم ہوں تو یہ السر کی نشانی ہوسکتے ہیں اور اگر آپ کے منہ یا زبان پر کوئی السر یا سرخ یا سفید دھبہ طویل عرصے تک موجود رہیں تو یہ oropharyngeal کینسر کی علامت ہو سکتے ہیں۔ کھردرا پن یا کھانسیماہرین کے مطابق اگر کھانسی تین ہفتوں سے زیادہ رہتی ہے تو فوری طور پر اپنے ڈاکٹر سے رجوع کریں کیونکہ یہ پھیپھڑوں کے کینسر کی علامتوں سے ایک ہے۔
