یورپ میں مارچ 2024 سے ڈیجیٹل مارکیٹس ایکٹ (ڈی ایم اے) کا اطلاق ہو رہا ہے اور اس کو مدنظر رکھتے ہوئے واٹس ایپ کی جانب سے دیگر میسجنگ نیٹ ورکس کو اپنی ایپ کا حصہ بنانے کی تیاریاں کی جا رہی ہیں۔ واٹس ایپ کے انجینئرنگ ڈائریکٹر ڈک بروور نے تصدیق کی ہے کہ کمپنی 2 ارب سے زائد صارفین کو انٹرپورٹیبلٹی کی سہولت فراہم کرنے کے لیے تیار ہے۔ ایک انٹرویو کے دوران انہوں نے کہا کہ تھرڈ پارٹی ایپ سپورٹ فراہم کرنا تو آسان ہے مگر اس کے ساتھ ساتھ واٹس ایپ کی پرائیویسی، سکیورٹی اور خودمختاری کو محفوظ رکھنا مشکل چیلنج ہے، مگر ہم اپنے کام سے مطمئن ہیں۔ واضح رہے کہ ڈیجیٹل مارکیٹس ایکٹ کے تحت بڑی ٹیکنالوجی کمپنیوں جیسے ایمازون، میٹا، ایپل، مائیکرو سافٹ اور الفابیٹ کو گیٹ کیپر قرار دیتے ہوئے نئے قوانین پر عملدرآمد کے لیے مارچ 2024 کی مہلت دی گئی ہے۔ اس نئے ایکٹ کے تحت میسجنگ سروسز کو کراس پلیٹ فارم میسجنگ کے فیچر کو یقینی بنانا ہوگا۔ واٹس ایپ کے ساتھ ساتھ میٹا کی جانب سے فیس بک میسنجر میں بھی کراس پلیٹ فارم میسجنگ کے فیچر کو متعارف کرانے کے لیے کام کیا جا رہا ہے۔ ابتدا میں میٹا کی ایپس میں کراس پلیٹ فارم میسجنگ کو ون آن ون چیٹ تک محدود رکھا جائے گا اور اس کے لیے ان باکس میں تھرڈ پارٹی چیٹس کے نام سے ایک نیا آپشن دیا جائے گا۔ ڈک بروور نے بتایا تھا کہ تھرڈ پارٹی چیٹ سپورٹ کے فیچر کا انتخاب صارف کی اپنی مرضی پر ہوگا۔ انہوں نے مزید بتایا کہ صارف اپنی مرضی سے اس فیچر کو ان ایبل کر سکے گا، یہ آپشن صارفین کو اسپام اور فراڈ سے بچانے کے لیے ضروری ہے۔ جو کمپنیاں اپنی سروسز کو میٹا کے سسٹم سے منسلک کریں گی، انہیں ایک معاہدے پر دستخط کرنا ہوں گے، جس کی تفصیلات ابھی جاری نہیں کی گئی ہیں۔ واٹس ایپ کی جانب سے انٹرپورٹیبلٹی کو ان ایبل کرنے کے لیے اینڈ ٹو اینڈ انکرپشن کی شرط عائد کی جائے گی۔ ابھی یہ واضح نہیں کہ دیگر میسجنگ ایپس جیسے ٹیلی گرام، سگنل یا دیگر واٹس ایپ کے لیے کراس پلیٹ فارم میسجنگ سپورٹ کے اضافے کی منصوبہ بندی کر رہی ہیں یا نہیں۔ مگر یہ سپورٹ فراہم کرنے پر صارفین کے لیے واٹس ایپ سے نکلے بغیر دیگر ایپس کے افراد سے چیٹ کرنا ممکن ہو جائے گا۔ مثال کے طور پر اگر آپ سگنل ایپ استعمال کر رہے ہیں تو واٹس ایپ صارف کو میسج بھیج سکیں گے اور اس کے لیے واٹس ایپ اکاؤنٹ کی بھی ضرورت نہیں ہوگی۔ اسی طرح واٹس ایپ میں رہتے ہوئے ٹیلی گرام یا سگنل استعمال کرنے والے دوست سے چیٹ کی جا سکے گی اور ان ایپس کے اکاؤنٹس کی ضرورت بھی نہیں ہوگی۔
اہم خبریں
مزید پڑھیں
Load/Hide Comments
ہمارا فیس بک پیج
خصوصی فیچرز
Archives
- May 2024
- April 2024
- March 2024
- February 2024
- January 2024
- December 2023
- November 2023
- October 2023
- September 2023
- August 2023
- July 2023
- June 2023
- May 2023
- April 2023
- March 2023
- February 2023
- January 2023
- December 2022
- November 2022
- October 2022
- September 2022
- August 2022
- November 2016
- May 2016
- November 2015
- June 2015