عالمی مالیاتی ادارے ( آئی ایم ایف ) نے پاکستان کو ٹیکس نظام کی بحالی،آمدنی میں اضافہ اور صحت عامہ کی بہتری کے لیے سگریٹ سمیت غیرتمام ضروری اشیاء پر ٹیکس لگانے کی سفارش کی ہے۔ آئی ایم ایف نے سفارشات کی ایک مکمل تجویز پیش کی ہے جس میں سگریٹ پر ٹیکس کا نفاذ بھی شامل ہے جبکہ ان تجاویز کو صحت سے متعلقہ کارکنوں اور ماہرین نے سراہا ہے۔ قائداعظم یونیورسٹی میں زمان ریسرچ سنٹر کے سربراہ پروفیسر محمد زمان نے اس حوالے سے کہا ہے کہ حکومت کے لیے معاشی مسائل کو حل کرنے اور آئی ایم ایف کی سفارشات پر عمل درآمد کا یہ اہم وقت ہے۔ انہوں نے کہا کہ آئی ایم ایف کی رپورٹ میں اس موضوع پر اسلام آباد کے تھنک ٹینک کیپٹل کالنگ کی جانب سے کی گئی ایک غیر معمولی تحقیق کا حوالہ دیا گیا ہے جس میں کہا گیا ہے کہ قیمتوں میں اضافے کی وجہ سے سگریٹ کی کھپت میں کمی آئی ہے۔ انہوں نے کہا کہ تمباکو نوشی سے معاشرے میں ہونے والی بیماری اور اموات کی قیمت کو مدنظر رکھنے کی ضرورت ہے، سگریٹ کے برانڈ سے قطع نظر سگریٹ نوشی صحت کے لیے نقصان دہ ہے۔ انہوں نے پاکستان کے ٹیکس نظام میں خاص طور پر سگریٹ کی صنعت کی اہم خامیوں کی طرف اشارہ کیا جس نے گزشتہ سات سال کے دوران 567 بلین روپے کا نقصان پہنچایا جیسا کہ سسٹین ایبل ڈویلپمنٹ پالیسی انسٹی ٹیوٹ نے بھی اپنی ایک ریسرچ میں اس بات کا انکشاف کیا ہے۔ اس مطالعہ نے پالیسی سازوں پر ملٹی نیشنل سگریٹ کمپنیوں کے اثر و رسوخ کو مزید بے نقاب کیا، خاص طور پر 2017 میں تین درجے کے ایکسائز ڈیوٹی ڈھانچے کے تعارف میں واضح ہوا، جس نے صحت عامہ کے حوالے سے محصولات کی وصولی کو ترجیح دی۔ تاہم، بعد کے تجزیے نے ثابت کیا کہ یہ نقطہ نظر آمدنی پیدا کرنے میں غیر موثر اور گمراہ کن ہے۔ ایس ڈی پی آئی کی ریسرچ عالمی بہترین طریقوں پر روشنی ڈالتی ہے اور کس طرح ترقی یافتہ اوردرمیانی آمدنی والے ممالک نے کھپت کو کم کرنے اور حکومتی محصولات کو بڑھانے کے لیے سگریٹ پر بھاری ٹیکسوں کا کامیاب استعمال کیا ہے۔ تاہم، پاکستان میں سگریٹ پر ٹیکس لگانے اور قیمتوں کے تعین کو صحت عامہ کے آلے کے طور پر استعمال کرنے میں مربوط حکمت عملی کا فقدان ہے۔ بین الاقوامی اسلامی یونیورسٹی اسلام آباد کے ڈاکٹر حسن شہزاد نے عالمی ادارہ صحت کی ترجمانی کرتے ہوئے صحت عامہ کی ترقی اور نفاذکو یقینی بنانے کے لیے تمباکوپر ٹیکس کی پالیسیوں کو سگریٹ کمپنیوں کے مفادات سے بچانے کی ضرورت پر زور دیا۔
اہم خبریں
مزید پڑھیں
Load/Hide Comments
ہمارا فیس بک پیج
خصوصی فیچرز
Archives
- April 2024
- March 2024
- February 2024
- January 2024
- December 2023
- November 2023
- October 2023
- September 2023
- August 2023
- July 2023
- June 2023
- May 2023
- April 2023
- March 2023
- February 2023
- January 2023
- December 2022
- November 2022
- October 2022
- September 2022
- August 2022
- November 2016
- May 2016
- November 2015
- June 2015