خیبر پختونخوا کے شہر بنوں میں نامعلوم موٹرسائیکل سوار افراد کی فائرنگ سے سیاسی جماعت کا مقامی رہنما جاں بحق ہوگئے۔ پولیس کے مطابق بنوں میں ڈی آئی خان روڈ پر انجینئرنگ یونیورسٹی کیمپس کے قریب نامعلوم موٹرسائیکل سواروں نے فائرنگ کی، جس میں عوامی نیشنل پارٹی (اے این پی) کے ضلعی رہنما شیر علی باغی موقع پر جاں بحق ہو گئے۔ پولیس ذرائع کے مطابق اطلاع ملنے پر پولیس جائے وقوع پر پہنچی اور لاش کو ڈی ایچ کیو اسپتال منتقل کیا۔ زرائع کا کہنا ہے کہ پولیس نے جائے وقوع سے شواہد اکٹھے کرکے فائرنگ کے واقعے کی تحقیقات شروع کردی گئی ہے۔
