خاتون کو ہراسانی سے بچانے کی کوشش میں بین الاقوامی ایتھلیٹ قتل

پولیس کے مطابق یہ واقعہ ایک سیلفی تنازع سے شروع ہوا۔ بھارتی میڈیا کے مطابق بین الاقوامی پیرا ویٹ لفٹنگ ایتھلیٹ روہت پر شادی کی تقریب کے دوران تقریباً 10 مہمانوں نے ہتھیاروں اور ڈنڈوں سے حملہ کیا۔ روہت کو فوری طور پر اسپتال منتقل کیا گیا، لیکن دو روز تک علاج کے باوجود وہ جانبر نہ ہو سکے۔ ذرائع کے مطابق تقریب کے دوران راہول نامی شخص نشے کی حالت میں خواتین پر قابل اعتراض الفاظ کہنے لگا، جس پر روہت نے مخالفت کی اور ابتدائی جھگڑا ہوا، تاہم مہمانوں نے معاملہ رفع دفع کر دیا۔ بعد ازاں شادی کی تقریب سے واپسی کے دوران راہول اور اس کے ساتھیوں نے روہت کی گاڑی روک کر ڈنڈوں اور لوہے کی راڈوں سے حملہ کیا، جس کے نتیجے میں وہ شدید زخمی ہو گئے اور اسپتال میں دم توڑ گئے۔