قابلیت کا فیصلہ ایک میچ سے نہیں ہوتا، حارث رؤف

لاہور قلندرز کے فاسٹ بولر حارث رؤف نے کہا کہ ایک میچ براہو جائےتو اس کا مطلب یہ نہیں آپ برے بولر بن گئے۔ قومی کرکٹر نے کہا کہ ہرکسی کی اپنی رائے ہے لیکن ہم اپنے اوپر یقین رکھتے ہیں، جس طرح کی گراؤنڈ پچز اور باؤنڈریز ہیں رنز تو زیادہ بننے ہی ہیں۔ انہوں نے کہا کہ ایک دو بولروں کو رنز نہیں پڑیں گے لیکن باقی چار کو تو رنز پڑیں گے، آج کل آپ جتنی ورائٹی کے ساتھ بولنگ کریں گےاتنا اچھا رہتا ہے۔ حارث کا کہنا تھاکہ اپنے اوپر ہونے والی تنقید کو مثبت انداز میں لیتا ہوں۔